हिंगोली - आता कोरोनाच्या पार्श्वभूमीवर तिसऱ्यांदा लॉकडाऊन वाढविण्यात आला आहे. त्यामुळे अनेकांची मोठी समस्या निर्माण होऊन बसली आहे. अशा परिस्थितीत पोलीस रस्त्यावर कोणालाच निघू देत नाहीत, त्यामुळे प्रसूती माता, वयोवृध्द जोडपे, आजारी व्यक्ती यांना देखील फटका बसत आहे. मात्र, अशांसाठी आता हिंगोलीचे पोलिसांकडून रिक्षाची सुविधा मोफत देण्यात येत आहे. या उपक्रमाचे जिल्हाभरात कौतुक केले जात आहे.
या आगळ्या-वेगळ्या उपक्रमाचे पोलीस अधीक्षक योगेश कुमार, अपर पोलीस अधिक्षक यशवंत काळे यांच्या हस्ते उद्घाटन केले. ही रिक्षा 24 तास सेवेत राहणार आहेत. या रिक्षामध्ये सोशल डिस्टन्सिंगसाठी पडदे लावण्यात आले आहेत. रिक्षाचा उपयोग झाल्यानंतर प्रत्येक वेळी रिक्षा निर्जंतुक करण्यात येणार आहे.
सध्या हिंगोली जिह्यात कोरोनाग्रस्तांचा आकडा 46 वर पोहोचला झाला आहे. त्यामुळे जिल्ह्यात कडक वातावरण निर्माण झाले आहे. रस्त्यावर जागोजागी चोख पोलीस बंदोबस्त असल्याने, त्यातच जिल्हाधिकाऱ्यांनी हे वाहन बंदीचे आदेश काढलेले आहेत. त्यामुळेच उपविभागीय पोलीस अधिकारी यांच्या मार्गदर्शनाखाली वाहतूक शाखेचे सहायक पोलीस निरीक्षक ओमकांत चिंचोळकर यांनी हा उपक्रम राबविला आहे. यासाठी संपर्कासाठी स्वतंत्र क्रमांक दिला आहे. त्यावर संपर्क करताच रिक्षाची सोय गरजुंसाठी मिळणार आहे.
हेही वाचा - हिंगोलीत शॉट सर्किटमुळे जळाली 9 लाखांची हळद; व्यापारी हवालदिल
