हिंगोली : पांगरा शिंदे परिसरात सलग दुसऱ्या दिवशीही जाणवले भूकंपाचे धक्के

पांगरा शिंदे परिसरात गेल्या अनेक दिवसांपासून भूकंपाचे धक्के जाणवत आहेत. त्यामुळे नागरिकांमध्ये भीतीचे वातावरण निर्माण झाले आहे. शनिवारी दुपारी दोनच्या सुमारास भूकंपाचे धक्के जाणवले होते. आज परत भूकंपाचे धक्के जाणवले आहेत.

हिंगोली - वसमत तालुक्यातील पांगरा शिंदे परिसरात गेल्या अनेक दिवसांपासून भूकंपाचे धक्के जाणवत आहेत. त्यामुळे नागरिकांमध्ये भीतीचे वातावरण निर्माण झाले आहे. शनिवारी दुपारी दोनच्या सुमारास भूकंपाचे धक्के जाणवले होते. परत आज 12 वाजून 32 मिनाटांनी भूकंपाचे धक्के जाणवले आहेत. त्यामुळे नागरिकांत अजूनही भीतीचे वातावरण आहे.

अधून-मधून जाणताता भूकंपाचे धक्के -

पांगरा शिंदे परिसरातील अनेक भागात मागील दोन-तीन वर्षांपासून अधून-मधून भूकंपाचे धक्के जाणवत आहेत. त्यामुळे या भागातील ग्रामस्थ हे भयभीत झालेले आहेत. सलग दोन दिवस भूकंपाचे धक्के जाणवल्यामुळे नागरिक चांगलेच वैतागून गेले आहेत. शनिवारी झालेल्या भूकंपाची रिश्टर स्केलवर नोंद झाली नसली, तरीही ग्रामस्थ हे घाबरलेले आहेत.

दोन्ही दिवसाची नोंद नाही -

पांगरा शिंदे परिसरात सलग दोन दिवस झालेल्या भूकंपाची रिश्टर स्केलवर नोंद झालेली नसल्याचे हिंगोली येथील आपत्ती व्यवस्थापक कडकडून कळविले आहे. मात्र, जमिनीमधून वारंवार आवाज येत असल्याने या भागातील काही गावात जाऊन शास्त्रज्ञांनी पाहणी केली, तर या भागात जमिनीमध्ये जास्त पाणी असल्यामुळे असा आवाज येतो, असे स्वामी रामानंद तीर्थ विद्यापीठातील भूवैज्ञानिक यांनी सांगितल्याचे आपत्ती व्यवस्थापन विभागाकडून सांगण्यात आले आहे.