गोंदिया - धान उत्पादक जिल्हा अशी गोंदिया जिल्ह्याची ओळख आहे. या जिल्ह्यात सेंद्रिय शेतीला चालना मिळावी, यासाठी पहिल्यांदाच क्षेत्रीय जैवीक शेती केंद्र नागपूर यांच्या माध्यमातून गोंदियातील धोटे बंधू महाविद्यालयात ३० दिवसीय अभ्यासक्रम सुरू करण्यात आला आहे. सोमवारी या अभ्यासक्रमाची महाविद्यालयात सुरवात करण्यात आली.
हेही वाचा... आंध्र प्रदेशमध्ये एनआरसी लागू करणार नाही; मुख्यमंत्र्यांचे आश्वासन
अभ्यासक्रमाच्या पहिल्या टप्प्यात ३० विद्यार्थ्यांना मोफत प्रवेश दिला जाणार आहे. विशेष बाब म्हणजे या अभ्यासक्रमासाठी कोणत्याही विषयात पदवीधारक असलेला विद्यार्थी प्रवेश घेऊ शकतो आणि सेंद्रिय शेतीचे शिक्षण घेऊ शकतो. या प्रशिक्षणादरम्यान विद्यार्थ्यांना आणी कृषक लोकांना जैविक शेतीची माहिती, शेती उपयोगास येतील अशी तंत्रविज्ञानाबद्दल सविस्तर माहिती पुरवली जाणार आहे.
हेही वाचा... 'फिरसे पंगा लेना है', पाहा कंगनाच्या 'पंगा' चित्रपटाचा ट्रेलर
सद्याच्या युगात विद्यार्थी शेती विषयाकडे दुर्लक्ष करताना दिसत आहेत. यामुळेच भारत सरकारने शेंद्रीय शेतीला चालना देण्यासाठी नवीन उपक्रम सुरवात केले आहेत. ३० दिवसीय जैविक शेती अभ्यासक्रम हा त्याचाच एक भाग आहे. हा अभ्यासक्रम पुर्ण करणाऱया विद्यार्थ्यांना प्रशिक्षण देऊन त्यांना प्रमाणपत्र दिले जाणार आहेच. याचा फायदा परिसरातील गावांना आणि शेतकऱ्यांना होणार आहे, अशी माहिती धोटे बंधू महाविद्यालयाचे प्राचार्य डॉ. अंजन नायडू यांनी दिली. तसेच सेंद्रिय शेती तज्ञ डॉ. डी. कुमार यांनी दिली.
हेही वाचा... 'झारखंडमध्ये भाजपच्या जनविरोधी धोरणांचा पराभव'
