बुलडाणा- कंटेन्मेंट झोनमध्ये काम करणारे पोलीस आणि या भागातील रहिवासी यांना मंगळवारी (2 जून) जिल्ह्यातील होमिओपॅथी डॉक्टर व डेंटिस्ट डॉक्टर यांनी औषधे आणि टुथपेस्टचे वाटप केले.
कोरोनाच्या पार्श्वभूमीवर आपले कर्तव्य पार पाडताना डॉक्टर, नर्स, पोलीस बांधव व सफाई कर्मचारी हे सुद्धा बऱ्याच वेळेस कोरोनाला बळी पडत आहेत. तरी देखील ते आपल्या जीवाची पर्वा न करता कंटेन्मेंट झोनमध्ये कर्तव्य पार पाडत आहे. तर कंटेन्मेंट झोनमधील नागरिकांना देखील भीतीचे वातावरणाला सामोरे जावे लागत आहे. यामुळे पोलिसांची व कंटेंन्मेंट झोनमधील नागरिकांची रोगप्रतिकारशक्ती वाढावी, यासाठी होमिओपॅथी औषधे तसेच टूथपेस्टचे वाटप बुलडाण्याच्या करण्यात आले.
