बीड - माजलगाव येथे दोन युवकांवर चाकू हल्ला झाल्याची घटना शनिवारी दुपारी घडली. हल्ला करण्या मागचे कारण अद्याप अस्पष्ट आहे. ही घटना शहरातील कालिका नगर भागात घडली. हल्लेखोर हल्ला करून फरार झाले असून पोलीस तपास करत आहेत. जखमीवर माजलगाव ग्रामीण रुग्णालयात उपचार सुरू आहेत.
बीडमध्ये युवकावर चाकूहल्ला; आरोपी फरार
अशोक महादेव वटवटे, प्रवीण वशिष्ठ कोळसे, (रा. माजलगाव) अशी चाकू हल्ल्यामध्ये जखमी झालेल्या युवकांची नावे आहेत. कालिका नगर भागात शनिवारी दुपारच्या सुमारास अचानक काही जणांनी येऊन या दोघांवर हल्ला केला. शहरात एकाच दिवशी कालिका नगर भागात ॲसिड हल्ला व चाकूहल्ला झाल्याने भीतीचे वातावरण निर्माण झाले आहे.
