आष्टी (बीड) -पांढरी येथे जामखेडवरून अहमदनगरकडे जाणाऱ्या चारचाकी वाहनाने दोन दुचाकींना धडक दिली. यामध्ये पांढरी येथील एका तरुणाचा जागीच मृत्यू झाला तर जामखेड येथील तीन जण गंभीर जखमी झाल्याची घटना घडली आहे. घटनास्थळी आष्टी पोलिसांनी धाव घेऊन जखमींना ग्रामीण रुग्णालयात दाखल केले आहे.
पांढरी नजीक जामखेड वरुन अहमदनगरकडे जाणाऱ्या चारचाकी (एमएच 12 क्यू. टी. 7848) या वाहनाने दोन दुचाकीस्वारांना जोराची धडक दिली. अपघातात पांढरी येथील पोपट छगन शिंदे (वय 32) हा तरुण जागीच ठार झाला. दुसऱ्या दुचाकीवरून जामखेड येथील येथील गणेश काळे, जयश्री गणेश काळे आणि एक लहान बाळ हे तिघे गंभीर जखमी आहेत. चारचाकी चालक हा मद्यधुंद अस्वस्थेत गाडी चालवत असल्याची माहिती आहे.
