बीड : गेल्या 15 वर्षांपासून सुरू असलेल्या कृषी महोत्सवात यंदा मात्र एक वेगळी चर्चा सुरु आहे. या कृषी महोत्सवात गजेंद्र नावाचा रेडा हा मुख्य आकर्षण ठरत आहे. ज्याचे वजन हे दीड टन असून त्याला दीड कोटींची मागणी आहे. विशेष म्हणजे या गजेंद्रला पाहण्यासाठी शेतकरी मोठी गर्दी करत आहेत.
तब्बल 180 स्टॉल : कृषिरत्न स्व. गणेशराव बेद्रे यांच्या स्मृती प्रित्यर्थ, दरवर्षी कृषी महोत्सवाचे आयोजन केले जाते. यंदा या कृषी महोत्सवातील प्रदर्शनासाठी, तब्बल 180 स्टॉल लावण्यात आले आहेत. यामध्ये शेतकरी उपयोगी सर्व साहित्यांसह विविध उपकरणे असणारे स्टॉल लावण्यात आले आहेत. विशेष म्हणजे शेतकऱ्यात पशुधन आणि दुग्ध विषयक शेती करण्यासाठी आवड निर्माण व्हावी, यासाठी मुख्य आकर्षण म्हणून कर्नाटक राज्यातील बेळगाव येथील गजेंद्र रेडा देखील आणण्यात आला आहे. अशी माहिती आयोजक महेश बेंद्रे यांनी दिली.
काय म्हणतात रेड्याचे मालक : हा रेडा पंजाब या ठिकाणी दीड कोटीला मागत आहेत. त्याचे वजन दिड टन आहे रोज त्याला पंधरा लिटर दूध व तीन किलो सफरचंद खाऊ घालत आहोत. त्याचबरोबर त्याला दररोज लागणारा चाराही वेगळा दिला जातो. 2 किलो आटा 3 किलो पेंड, खाऊ घालतो व त्याच्यापासून उत्पन्न म्हटले तर एका म्हशीला दोन हजार रुपये घेतो दररोज आमच्याकडे पाच म्हशीच्या दररोज दहा हजार रुपये पण रेड्याचे वजन जास्त झाल्याने आता त्यालाही त्याचा त्रास होतो व एक किंवा दोनच म्हशी लावण्यासाठी येतात. आमच्याकडे घरामध्ये 50 म्हशी आहेत आणि त्याचे शंभर ते दीडशे लिटर दूध निघत आहे. चार पाच हजार रुपये येतात त्याच्यातूनच त्याला उत्पन्नातून याला खाऊ घालत आहोत. आम्ही तो हरियाणामध्ये देणार आहोत. मेल्यानंतर तो चार-पाच कोटीला विकला जाईल अशी आमची मागणी आहे.
काय म्हणतात आयोजक : मराठवाड्यातील शेतकऱ्यांना नव आधुनिक तंत्रज्ञान मिळावे याच्यासाठी गेल्या पंधरा वर्षापासून किसान कृषी प्रतिष्ठान यांच्यावतीने कृषी महोत्सव आम्ही भरवत असतो. येथे कृषी प्रदर्शनामध्ये जवळपास 180 स्टॉल आहेत. शेतकऱ्यांना शेतमजुरी मध्ये अडचण वाटत आहे. असे आधुनिक तंत्रज्ञानाचे यंत्र या ठिकाणी या कृषी प्रदर्शनामध्ये उपलब्ध आहेत.
कृषी प्रदर्शनात आकर्षण ठरला रेडा : शेतमजुरीला परवडणारे आणि आधुनिक यंत्रे या कृषी प्रदर्शनात आहेत. हरियाणा, पंजाब इतर राज्यातील आधुनिक तंत्रज्ञान आपल्या बीड जिल्ह्यातील शेतकऱ्यांना माहिती व याच्यासाठी हे राज्यस्तरीय कृषी प्रदर्शन भरवले आहे. प्रदर्शनामध्ये विशेष आकर्षण म्हणून यांचा दुग्धजन्य व्यवसाय वाढवा म्हणून व शेतकऱ्यांचे पशुधनाकडे जास्त लक्ष आकर्षित व्हावे म्हणून कर्नाटक राज्यातील बेळगाव येथील गजेंद्र नावाचा ज्याचे वजन दिड टन असणारा रेडा या कृषी प्रदर्शनात आकर्षण ठरला आहे. त्याला अनेक ठिकाणी दीड कोटी रुपयांची मागणी आहे. शेतीवर आधारित चर्चासत्र ही होणार आहेत. सर्व माहिती शेती विषयक असल्याने सर्व शेतकऱ्यांनी या प्रदर्शनाचा लाभ घ्यावा यामध्ये जवळपास 180 स्टॉल लावलेले आहेत.
हेही वाचा : Agricultural Exhibition In Solapur, कृषी प्रदर्शनात एक कोटींचा गजेंद्र रेडा, पाहा व्हिडिओ
