बीड- गेल्या अनेक महिन्यांपासून दिल्ली येथे चालू असलेल्या शेतकरी आंदोलनाची केंद्र सरकारने तात्काळ दखल घ्यावी, अशी मागणी करत बीड येथे शुक्रवारी शेतकरी कामगार पक्षाच्या वतीने बैलगाडी मोर्चा काढण्यात आला. यावेळी शेतकऱ्यांनी केलेल्या घोषणाबाजीमुळे बीड जिल्हाधिकारी कार्यालय परिसर दणानून गेला होता. शेतकऱ्यांनी थेट आपल्या बैलगाड्या जिल्हाधिकारी कार्यालयात घुसवल्या होत्या.
याप्रसंगी बीडचे जिल्हाधिकारी यांना दिलेल्या निवेदनात शेतकऱ्यांनी म्हटले आहे की, शेतकऱ्यांना उध्वस्त करणारे ते तीन कायदे केंद्र सरकारने तात्काळ रद्द करावेत, याशिवाय बीड जिल्ह्यामध्ये सक्तीची वीजबिल वसुली सुरू आहे. ती तात्काळ थांबवावी व अनेक वर्षांत बळीराजा आर्थिक संकटात आहे, याची दखल सरकारने घ्यावी. शेतकऱ्यांकडे असलेले वीज बिल सरकारने माफ करावे, बीटी कापसाचे बोगस बियाणे देणाऱ्या कंपन्यांवर कारवाई करून शेतकऱ्यांना नुकसान भरपाई द्यावी, बीड जिल्ह्यातील साखर कारखान्यांनी शेतकऱ्यांना एफआरपी प्रमाणे 14 दिवसाच्या आत ऊस बील द्यावे. सर्वात महत्त्वाचे म्हणजे शेतकऱ्यांनाच पेन्शन योजना लागू करावी, आदी मागण्या मोर्चात सहभागी झालेल्या शेतकऱ्यांनी केल्या आहेत.
स्वामीनाथन आयोगाच्या शिफारशी लागू करा-
