Manoj Jarange Patil : मनोज जरांगे यांना रुग्णालयातून डिस्चार्ज; गावी जाणार मात्र, घरी जाणार नाही

Manoj Jarange Patil : मनोज जरांगे पाटील यांना आज रुग्णालयातून डिस्चार्ज मिळाला आहे. त्यांची तब्येत ठणठणीत आहे. यावेळी जोवर मराठ्यांना आरक्षण (Maratha Reservation) मिळत नाही, तोवर मी घरात पाऊल ठेवणार नाही असं जरांगे पाटील यांनी Jarange Patil (Reaction On Maratha Reservation) म्हटंल आहे.

छत्रपती संभाजीनगर Manoj Jarange Patil : मराठा युवक आत्महत्या (Maratha Youth Suicide) करत असताना दिवाळी (Diwali 2023) साजरी करणार नाही. तसेच माझं कुटुंबीय देखील माझ्यासोबत राहतील. हा एक सुखाचा दिवस न पाहता मराठा समाजाच्या युवकांना आयुष्यभराचं सुख देण्यासाठी मी आंदोलनात आहे. त्यामुळं रुग्णालयातून सोडल्यावर मी गावी जाईल मात्र, घरी जाणार नाही असं मत मराठा आंदोलक (Maratha Reservation) मनोज जरांगे पाटील (Manoj Jarange Patil) यांनी व्यक्त केलं. तर भोकरदन तालुक्यात मराठा मुलांना मारहाण करणाऱ्या लोकांना आणि त्यांना सांगणाऱ्या नेत्यांवर कारवाई करा, अन्यथा आम्हाला देखील रस्त्यावर यावं लागेल, असा इशारा जरांगे पाटील यांनी (Jarange Patil Reaction On Maratha Reservation) दिला आहे.

मनोज जरांगे उपचार घेऊन निघाले गावाकडं : मराठा आरक्षणाच्या मागणीसाठी मनोज जरांगे पाटील यांनी अंतरवाली सराटी इथं आमरण उपोषण सुरू केलं. मात्र सरकारच्या आश्वासनानंतर त्यांनी आपल्या आंदोलन मागं घेतल्यानंतर, त्यांना छत्रपती संभाजीनगर शहरातील खासगी रुग्णालयात उपचारासाठी दाखल करण्यात आलं होतं. गेल्या दहा दिवसांपासून त्यांच्यावर उपचार झाल्यानंतर दिवाळीच्या दिवशी त्यांना सोडण्यात आलं. यावेळी मी आता गावी जातोय, पण घरी जाणार नाही आणि दिवाळी देखील साजरी करणार नाही, असं मत मनोज जरांगे पाटील यांनी व्यक्त केलं. गेल्या काही दिवसांपासून भेटायसाठी सरकारचं शिष्टमंडळ येणार होतं, मात्र ते अद्याप आलं नाही. पुढील दोन दिवसात ते येईल आणि अंतरवाली सराटी इथं येऊन भेटू शकतात. मात्र नंतर मी दौऱ्यावर जाणार असल्यानं पाहू पुढं काय होतं, असं मत त्यांनी व्यक्त केलं.

गेल्या दहा दिवसांपासून उपचार झाल्यानंतर दिवाळीच्या दिवशी मला रुग्णालयातून सोडण्यात आलं. यावेळी मी आता गावी जातोय, पण घरी जाणार नाही आणि दिवाळी देखील साजरी करणार नाही. - मनोज जरांगे पाटील

ओबीसी नेत्यांनी हट्ट करू नये : जालना जिल्ह्यात ओबीसी नेते आंदोलन करणार आहेत, अशी माहिती मिळाली. मात्र यात ओबीसी बांधवांचा काही दोष नाही, नेत्यांनी हट्टीपणा करू नये. लोकांना वेठीस धरण्याचं काम हे काही लोकं करतात. मात्र ओबीसी बांधव त्याला बळी पडणार नाही, आमच्याकडं नोंदी सापडत असल्यानं आता ओबीसी समाजातील आमच्या मागणीशी सहमत आहेत. सरकार ज्या नोंदी प्रमाणपत्र देत आहेत, ते सर्व खोटं असल्याचा आरोप केला जातोय. मात्र कोणाला काय वाटायचं ते वाटू द्या आमचं सुरू झालंय, जे होईल ते आता पुढं पाहू असं मत जरांगे पाटील यांनी व्यक्त करत ओबीसी नेत्यांवर टीका केली. कायदा सांगतो लोकसंख्येनुसार आरक्षण मिळावं, त्यामुळं आम्ही त्यानुसार घेऊ, EWS आरक्षण नको ते तुम्हालाच ठेवा असं देखील त्यांनी सांगितलं.

धनगर आरक्षणासाठी पण प्रयत्न करणार : धनगर आरक्षणाच्या मागणीला मनोज जरांगे पाटील यांनी पाठिंबा दिला असला तरी, महादेव जानकर मात्र त्यांच्या विरोधात आंदोलन करणार असल्याचं बोललं जातं आहे. यावर बोलताना त्यांना काय करायचं असेल ते त्यांनी करावं, मात्र मराठ्यांच्या आरक्षणाचा मुद्दा मार्गी लागला की मी, धनगर बांधवांसाठी देखील काम करेल. त्यांनी मला म्हटलं किंवा नाही म्हटलं तरी माझा त्यांना पाठिंबा असेल आणि त्यांच्यासाठी मी केव्हाही आंदोलनासाठी उतरेन. तर हिवाळी अधिवेशनात मराठा आरक्षणाबाबत मोर्चा निघाल्यास कायदा आणि सुव्यवस्थेचा प्रश्न निर्माण होईल, असं बोललं जातं आहे. त्यावर बोलताना, आम्ही चार महिन्यांपासून आंदोलन करत आहोत कोणतीही गडबड आम्ही केलेली नाही, असं मत मनोज जरांगे पाटील यांनी व्यक्त केलं.

भोकरदन इथं मराठा युवकांना मारहाण : मराठा आरक्षणाच्या मुद्द्यावरुन अनेक गावांमध्ये राजकीय नेत्यांना गावबंदी करण्यात आली आहे. त्याबाबतचे पोस्टर गावागावात लावण्यात आले. मात्र भोकरदन तालुक्यात लावलेल्या बॅनरवरून वाद झाला आणि काही मराठा युवकांना मारहाण झाल्याची माहिती समोर आली. त्यावर मनोज जरांगे पाटील यांनी तीव्र नाराज व्यक्त केली. "गृहमंत्री आणि मुख्यमंत्री यांनी तातडीनं दोषींवर कारवाई करावी. ज्या लोकांनी ही मारहाण केली आणि ज्या राजकीय नेत्यांनी त्याला पाठबळ दिलं, त्या सर्वांना समजवून कार्यकर्त्यांना तातडीनं भरपाई द्यावी. दोषींवर गुन्हे दाखल करावे, अन्यथा मराठा समाज रस्त्यावर आल्याशिवाय राहणार नाही" असंही त्यांनी यावेळी सांगितलं.

मनोज जरांगे यांनी महिनाभर करावा आराम : मनोज जरांगे पाटील यांना दोन नोव्हेंबर रोजी शहरातील खासगी रुग्णालयात उपचारासाठी दाखल करण्यात आलं होतं. दहा दिवस झाल्यानंतर त्यांना आज घरी सोडण्यात आलं. या काळात त्यांचं वजन वाढलं असून किडनी आणि लिव्हर देखील योग्य स्वरुपात काम करत आहे. मात्र पुढील महिनाभर त्यांनी आराम करावा, अन्यथा त्यांना अशक्तपणा येऊ शकतो. त्यांनी त्यांच्या आहारावर भर द्यावा आणि योग्य वेळेवर औषध घ्यावी, असं मत उपचार करणाऱ्या डॉक्टरांनी व्यक्त केलं आहे.

हेही वाचा -