औरंगाबाद : कर्जाचे हप्ते भरले नाही, तर वसुली करण्यासाठी खाजगी गुंड कोणत्या थराला जाऊ शकतात. याचे अनेक उदाहरणे आपण पहिले आहेत. मात्र शहरात चक्क कुठलेही कर्ज नसलेल्या सिटी बस जप्तीच्या कारवाईसाठी प्रवाश्यांना खाली उतरवून अरेरावी केल्याचा धक्कादायक प्रकार जळगाव रस्त्यावर (city bus with no debt stopped on road for recovery) घडला. आपली चूक झाल्याचे लक्षात येताच संबंधित एजंसीने माफी मागत प्रकरण मिटवले. याप्रकरणी मनपाने तक्रार न दिल्याने आश्चर्य व्यक्त केले जात (City Bus Aurangabad) आहे.
वसुलीसाठी थांबवली बस : जळगाव रस्त्यावर हर्सूल टी पॉइंटजवळ सोमवारी अचानक स्मार्ट सिटी बस पाच लोकांनी बस थांबवली. प्रवास करणाऱ्या प्रवाशांना शिवीगाळ करून खाली उतरवले. कोणालाही काहीच कळत नव्हते. वाहक आणि चालकाने विचारणा केली असता, बसचे बँकेचे लोन आहे. हप्ते भरले नसल्याने ती जप्त करायची आहे असे सांगण्यात आले. त्यावर ही गाडी सरकारची आहे, असे त्यांना सांगितले. मात्र या गाडीचा नंबर आपल्याकडे आहे, आणि हीच ती गाडी जी आम्हाला उचलायची आहे. असे वसुलीला आलेल्या लोकांनी सांगितले. त्यामुळे उपस्थितांमध्ये चर्चा रंगल्या. वाहाकाने तातडीने स्मार्ट सिटीच्या अधिकाऱ्यांना याबाबत माहिती (city bus stopped on road for recovery) दिली.
बस चुकून थांबवली : स्मार्ट सिटीचे लाइन चेकिंग ऑफिसर भारत बहुरे आणि अशोक जगताप यांनी पाचही लोकांना घेऊन पोलीस ठाणे गाठले. त्यावेळी पोलिसांनी चौकशी केली असताना एजंसीच्या लोकांकडे नंबर होता. मात्र त्यांच्याकडे ओळखपत्र नव्हते. प्रकरण सितीचौक पोलिसांकडे वर्ग करण्यात आले. त्यावेळी आम्हाला दुसरी गाडी उचलायची होती. नंबरमध्ये घोळ झाल्याने चुकून बस थांबवली, असे म्हणत एजंसीने माफी मागितली. मात्र स्मार्ट सिटीच्या वतीने तक्रार देण्यात आली नसल्याने, कोणताही गुन्हा दखल करण्यात आला नसल्याचे सिटी चौक पोलिस निरीक्षक अशोक गिरी यांनी (city bus recovery in Aurangabad) सांगितले.
बस खरेदी नगद : वसुलीसाठी अडवलेली बस नगदी खरेदी केल्याची माहिती स्मार्ट सिटीच्या वतीने देण्यात आली. स्मार्ट सिटी प्रशासनाने 2018 मधे टाटा कंपनीकडून शंभर बस खरेदी करण्यात आल्या होत्या. जवळपास 36 कोटी रुपये रोख देऊन ही खरेदी करण्यात आली. त्यामुळे बसवर कोणतेही कर्ज नाही. हप्ते बाकी राहण्याचा प्रश्न उद्भवत नाही, असे अधिकाऱ्यांनी (city bus with no debt) सांगितले.
