अमरावती - जिल्हा परिषद अंतर्गत 15 वा वित्त आयोग सन 2020-2021 या योजनेंतर्गत शिराळा या गावात दोन महिन्यांपूर्वी सिमेंट-काँक्रीटची नाली बांधण्यात आली. 3 लाख रुपये खर्चून दोन महिन्यांपूर्वी झालेल्या बांधकामासाठी मे महिन्याच्या सभेत ग्रामपंचायत सभेत मंजुरी देण्याबाबत प्रस्ताव ठेवण्यात आला. या अजब प्रकाराला विरोधी सदस्यांनी आक्षेप घेतला असताना गावातील नागरिकांनी या प्रकरणाची तक्रार जिल्हा परिषद मुख्य कार्यकारी अधिकाऱ्यांकडे केली आहे.
8 मार्च ला भूमिपूजन 25 मे ला मंजुरी -
शिराळा गावात जिल्हा परिषद स्तरावर नाली बांधकाम, पेविंग ब्लॉकच्या कामे होणार होती. गावातील वॉर्ड क्रमांक येथील सिमेंट-काँक्रीटच्या नालीच्या कामाचे भूमीजन करण्यात आले होते. या सोहळ्याला सरपंच अंकिता तायडे, सभापती संगिता तायडे, सदस्य अलका देशमुख प्रामुख्याने उपस्थित होत्या. भूमिपूजन सोहळ्यानंतर या कामाला सुरुवात होऊन काम पूर्ण करण्यात आले. आता मात्र 25 मे रोज ग्रामपंचायतच्या बैठकीत या कामाचा प्रस्ताव मांडण्यात आला. हे काम पूर्ण झाले असताना झालेल्या कामाचा प्रस्ताव सभेत कसा आला, असा प्रश्न विरोधकांनी उपस्थित केला.
ग्रामपंचायतीत असे आहे राजकीय समीकरण -
17 सदस्यांनाच्या शिराळा ग्रामपंचायतीत भाजपचे 12 सदस्य आहेत. तर काँग्रेसचे 5 सदस्य आहेत. असे असताना सरपंच पदाचे रोस्टर अनुसूचित जातीसाठी निघाल्याने निवडून आलेल्या एकमेव अनुसूचित जातीच्या सदस्या काँग्रेसच्या अंकिता तायडे या सरपंच झाल्या. चौकशी अहवालाची प्रतीक्षा जिल्हा परिषद स्तरावरील शिराळा गावात होणारी कामे कोणत्याही प्रकारची निविदा प्रक्रिया न राबविता आणि ग्रामपंचायत सदस्यांना विचारत न घेता थेट कामाला सुरुवात झाली. मार्च महिन्यात तीन काम पूर्ण केल्यावर त्या कामाचा प्रस्ताव ग्रामपंचायत सभेत ठेवण्यात आला. मात्र, आधीच काम झाले असल्याने सदस्यांनी हा प्रस्ताव फेटाळून लावला. आता या प्रकारची तक्रार संजय लव्हाळे या ग्रामस्थाने जिल्हा परिषय मुख्य कार्यपलन अधिकाऱ्यांकडे केली आहे. या प्रकरणाची चौकशी होऊन संबंधितांवर कारवाई करण्याची मागणीही करण्यात आली आहे. आता चौकशी अहवालाची आम्हाला प्रतीक्षा आल्याचे संजय लव्हाळे यांनी 'ईटीव्ही भारत' शी बोलताना सांगितले.
हेही वाचा - VIDEO : स्कॉर्पिओने पेट्रोल पंपावरील दोघांना चिरडले; घटना सीसीटीव्हीमध्ये कैद..
