अकोला - जिल्ह्यात आज प्राप्त झालेल्या अहवालानुसार सात जण कोरोना पॉझिटिव्ह आढळले आहेत. तर एका 71 वर्षीय वृद्धाचा उपचारादरम्यान मृत्यू झाला. अकोल्यात कोरोनामुळे मृत्यू झालेल्यांची संख्या 30 वर पोहोचली आहे.
पॉझिटिव्ह आढळलेल्या सात रुग्णांत पाच महिलांचा समावेश आहे. हे रुग्ण बाळापूर, आलेगाव पातूर, तसेच रामदासपेठ, शरीफ नगर, राधाकिसन प्लॉट, गायत्री नगर, फिरदौस कॉलनी येथील रहिवासी आहेत.
आज पहाटे एका 71 वर्षीय वृद्धाचा उपचारादरम्यान मृत्यू झाला. हा रुग्ण साईनगर डाबकी रोड येथील रहिवासी होता. त्या रुग्णाला 24 मे रोजी रुग्णालयात दाखल करण्यात आले होते.
आजचे अहवाल -
प्राप्त अहवाल - 49
पॉझिटीव्ह - सात
निगेटीव्ह- 42
जिल्ह्यात सद्यस्थिती -
एकूण पॉझिटिव्ह अहवाल - 565
म्रृत - 30 (29 + 1),
डिस्चार्ज- 388
अॅक्टिव्ह रुग्ण - 147
