अकोला जिल्ह्यात बर्ड फ्ल्यूचा शिरकाव? ७० कोंबड्यासह 42 पक्ष्यांचा मृत्यू

राज्यात सध्या ८ जिल्ह्यात बर्ड फ्ल्यूचा शिरकाव झाल्याचे स्पष्ट झाले आहे. त्यानंतर आता अकोला जिल्ह्यातही कोंबड्या आणि पक्षी मृत आढळून आले आहेत. त्यामुळे जिल्ह्यात बर्ड फ्ल्यूचा शिरकाव झाल्याचा संशय व्यक्त करण्यात येत आहे.

अकोला - सध्या राज्यात बर्ड फ्ल्यूचे संकट घोंघावत आहे. अशातच बाळापूर तालुक्यातील वाडेगाव जवळ असलेल्या नकाशी येथील पानवठ्याजवळ 42 पक्षी मृत आढळल्याचे बुधवारी रात्री उघडकीस आले आहे. पशुसंवर्धन विभागाच्या अधिकाऱ्यांनी घटनास्थळी भेट देऊन पक्ष्यांचे नमुने घेऊन ते प्रयोगशाळेसाठी पाठविणार असल्याची माहिती उपयुक्त डॉ. तुषार बावणे यांनी दिली. तर बार्शीटाकळी तालुक्यातील पिंपळगाव चांभारे येथील शेतकऱ्याच्या घरगुती वागविलेल्या 70 कोंबड्या अज्ञात रोगामुळे मृत झाल्या आहेत.

७० कोंबड्यासह 42 पक्ष्यांचा मृत्यू

सतर्कतेचे आदेश-

देशात कोरोनाचा हाहाकार उडालेला असताना बर्ड फ्ल्यूने डोके वर काढले आहे. राज्यात काही जिल्ह्यात बर्ड फ्लूचा प्रकार समोर आला असताना अकोला जिल्ह्यात मात्र एकही घटना उघडकीस आली नाही. दरम्यान, काही ठिकाणी पक्षी मृत आढळून येत असल्याने जिल्हावासीयांच्या मनात भीती निर्माण झाली आहे. जिल्हा परिषद मुख्य कार्यकारी अधिकारी यांच्या निवासस्थानी आणि मूर्तिजापूर येथे पक्षी मृत आढळून आल्याने जिल्हाधिकारी जितेंद्र पापळकर यांनी सतर्क राहण्याचे आदेश दिले आहेत.

पशुसंवर्धन उपयुक्तांनी घेतले नमुने-तर या आदेशाच्या दुसऱ्या दिवशी बाळापूर तालुक्यातील वाडेगावाजवळ असलेल्या नकाशी येथील पाणवठ्याजवळ 42 पक्षी मृत आढळले. ही माहिती पशुसंवर्धन विभागाला मिळाताच त्यांनी रात्री घटनास्थळी भेट देऊन मृत पक्षाचे नमुने घेतले आहेत. हे नमुने तपासणीसाठी प्रयोगशाळेत पाठविण्यात येणार असल्याची माहिती पशुसंवर्धन उपयुक्त डॉ. तुषार बावणे यांनी दिली.

७० कोंबड्यासह 42 पक्ष्यांचा मृत्यू

ग्रामस्थांमध्ये भीतीचे वातावरण या घटनेने नकाशी गावातील ग्रामस्थांमध्ये भीतीचे वातावरण निर्माण झाले आहे. त्यामुळे या ग्रामस्थांना पशुसंवर्धन अधिकाऱ्यांनी घटनास्थळीच्या ठिकाणी व पोल्ट्री फॉर्मजवळ निर्जंतुकिकरण करण्याच्या सूचना केल्या आहेत.

७० कोंबड्यासह 42 पक्ष्यांचा मृत्यू

पिंपळगाव चांभारे येथील शेतकऱ्याच्या घरातील 70 कोंबड्या झाल्या मृत-बार्शीटाकळी तालुक्यातील तथा पिंजर पोलिस ठाण्याअंतर्गत येत असलेल्या पिंपळगाव चांभारे येथील रमेश सुरडकर यांच्याकडे असलेल्या घरगुती वागविलेल्या 70 कोंबड्या मृत्यू पावल्या आहेत. त्यांचा कशामुळे हे अद्याप स्पष्ट झाले नाही. परंतु, त्याकडे पशुसंवर्धन अधिकाऱ्यांनी या मृत कोंबड्यांचे नमुने घेतले नसल्याचा आरोप त्यांनी केला आहे. त्यामुळे गावात एकच खळबळ उडाली आहे.

राज्यात सर्वात पहिल्यांदा परभणी जिल्ह्यात बर्ड फ्ल्यूचा शिरकाव झाल्याचे स्पष्ट झाले. त्यानंतर ८ जिल्ह्यात या महामारीने शिरकाव केल्याचे स्पष्ट झाल्यानंतर आता अकोला जिल्ह्यातही बर्ड फ्ल्यूचा प्रादुर्भाव झाल्याची शक्यता व्यक्त करण्यात येत आहे.