अकोला - सिटी कोतवाली पोलीस ठाण्याजवळील मोर्ना नदी पुलाच्या बाजूला, अंदाजे 65 वर्षीय वयोवृद्धचा मृतदेह आढळून आला आहे. या घटनेची माहिती मिळताच सिटी कोतवाली पोलिसांनी घटनास्थळावर धाव घेतली. दरम्यान वयोवृद्ध व्यक्तीची ओळख अद्याप पटलेली नसून नातेवाईकांचा शोध सुरू आहे.
हेही वाचा - "भारताचे नागरिकत्व सिद्ध करण्यात 'प्रॉब्लेम' काय ?"
घटनास्थळावरी साचलेल्या पाण्यामध्ये हा मृतदेह आढळून आला आहे. मृतदेह बाहेर काढण्यासाठी पोलीस कर्मचाऱ्यांना शर्थीचे प्रयत्न करावे लागले. घटनास्थळी उपअधिक्षक सचिन कदम यांच्यासह सिटी कोतवाली पोलीस ठाण्याचे ठाणेदार कुमारे आणि पोलीस कर्मचारी उपस्थित होते. दरम्यान, मृतदेह जिल्हा सामान्य रुग्णालयात शवविच्छेदनकरता पाठवण्यात आला असून या व्यक्तीच्या नातेवाईकांचा शोध पोलीस घेत आहेत.
हेही वाचा - अजित पवारांवर बोलण्याचा देवेंद्र फडणवीसांना नैतिक अधिकार नाही - जयंत पाटील
