पाथर्डी (अहमदनगर) - कासार पिंपळगाव (ता.पाथर्डी) येथे वृध्देश्वर सहकारी कारखाना परिसरामध्ये दोन व्यक्ती हे त्यांच्या जवळील विनानंबरची मोटारसायकलवरुन गोणीमध्ये दोन तलवार व गावटी कट्टा घेवून विक्रीसाठी येणार आहे. ही गोपनिय माहिती दिलीप पवार (पोलीस निरीक्षक , स्थानिक गुन्हे शाखा , अहमदनगर) यांना मिळाली. त्या नंतर त्यांनी सापळा रचून त्या संशयित व्यक्तींना पकडले.
यावेळी एक देशी बनावटीचे पिस्टल, जीवंत काडतूस, २ तलवारी, एक रेडमी कंपनीचा मोबाईल असा एकुण ४१,२०० / -रु . किमतीचे मुद्देमाल जप्त केला. अकाश अण्णा फुलारी (वय- २२ वर्षे , रा . कासार पिंपळगाव ता.पाथर्डी जि.अ.नगर) आणि किरण नामदेव फुलारी (रा.कासार पिंपळगाव ता.पाथर्डी जि.अ.नगर) अशी आरोपींची नावे आहेत.
ही कारवाई शिशिरकुमार देशमुख, पोहेकॉ मनोहर गोसावी, पोना. राम माळी , पोना सचिन आडबल , पोकॉ. राहुल सोळंके , पोना रविकिरण सोनटक्के , पोन. दिपक शिंदे , पोना ज्ञानेश्वर शिंदे व पोकॉ रणजीत जाधव सर्व नेमणुक स्थानिक गुहे शाखा अ.नगर यांनी केली.
याबाबत पाथर्डी पोलीस स्टेशनला गुन्हा दाखल करण्यात आलेला आहे. पुढील कारवाई पाथर्डी पो.स्टे . हे करत आहेत . सदरची कारवाई अखिलेश कुमार सिंह , पोलीस अधीक्षक , अहमदनगर , पाटील सो,अपर पोलीस अधीक्षक , अहमदनगर , मंदार जावळे , उप विभागीय पोलीस अधिकारी शेवगाव विभाग यांचे सुचना व मार्गदर्शनाखाली स्थानिक गुन्हे शाखाचे पोलीस अधिकारी व कर्मचारी यांनी केलेली आहे .
