अहमदनगर - देशभरात दिवाळीचा सण उत्साहात साजरा होत आहे. दिवाळी सणाशी निगडीत अनेक अख्यायिका आहेत. लाखो भाविकांचे श्रद्धास्थान असलेल्या शिर्डीबाबतही एक गोष्ट सांगितली जाते. साई बाबांनी पाण्यानी दिवे पेटवले होते, अशी अख्यायिका सांगितली जाते. याच गोष्टीची आठवण म्हणून शिर्डीमध्ये हजारो भाविकांनी मंदिरात असंख्य दिवे लावून दिवाळी साजरी केली. भक्तांनी लावलेल्या या दिव्यांनी संपूर्ण साईमंदिर परिसर प्रकाशाने उजळून निघाला.
हजारो दिव्यांनी साई मंदिर उजळले
हेही वाचा - पावसामुळे झेंडू उत्पादक शेतकऱ्यांवर ऐन दिवाळीत फुले फेकण्याची वेळ
साई मंदिरामध्ये पारंपरिक पद्धतीने दिपावळी साजरी केली जाते. कागद आणि बांबूपासून तयार केलेल्या आकर्षक आकाश कंदीलांनी साईमंदिर परिसर सजवण्यात आला आहे. दिवाळीच्या शुभ मुहर्तावर हजारो भाविक साईबाबांच्या सानिध्यात दिवाळी साजरी करतात.
