अहमदनगर - परतीच्या पावसाने झालेल्या नुकसानीची पाहणी करण्यासाठी केंद्रीय पथक दोन दिवस (23, 24 नोव्हेंबर) जिल्हा दौऱ्यावर येत आहे. हे पथक काही ठिकाणी भेटी देणार आहे. तसेच प्रत्यक्ष पाहणी करुन प्रशासनाकडून नुकसानीचा आढावा घेण्यात येणार आहे.
केंद्रीय पथख हे कोपरगाव, श्रीरामपूर आणि संगमनेर तालुक्यातील काही गावांना भेटी देणार आहे. राष्ट्रीय आपत्ती व्यवस्थापन प्राधिकरणाने राज्याच्या विविध भागात अवेळी पावसाने झालेल्या नुकसानीची पाहणी करण्यासाठी विविध सदस्यांचे पथक राज्याच्या दौर्‍यावर पाठवले आहे. त्यातील दीनानाथ आणि डॉ. चंद्रा हे जिल्हा दौर्‍यावर येत आहेत. जळगाव येथील पाहणी आटोपून हे पथक आज (२३) कोपरगाव तालुक्यातील गावांना भेटी देऊन शिर्डीत मुक्काम करणार आहे. तसेच दुसर्‍या दिवशी राहाता, श्रीरामपूर आणि संगमनेर तालुक्यातील गावांना भेटी देऊन हे पथक मुंबईकडे रवाना होणार आहे.
