बर्लिन - मोंटे कार्लो मास्टर्स स्पर्धेच्या उपांत्यपूर्व फेरीत उलटफेर पाहायला मिळाला. स्पेनचा स्टार खेळाडू राफेल नदाल याला उपांत्यपूर्व फेरीत पराभवाचा धक्का बसला. रूसच्या रुबलेव आंद्रेव याने नदालचा ६-२, ४-६, ६-२ असा पराभव करत उपांत्य फेरीत धडक मारली.
राफेल नदाल मोंटे कार्लो मास्टर्स स्पर्धेचा तब्बल ११ वेळा विजेता आहे. त्याचा या स्पर्धेतील रेकॉर्ड ७५-५ असा होता. पण यंदा त्याचा उपांत्यपूर्व फेरीत दोन तास ३३ मिनिटे रंगलेल्या सामन्यात पराभव झाला.
रुबलेव याची उपांत्य फेरीत केसपर रुड याच्याशी गाठ पडणार आहे. रुडने दुसऱ्या उपांत्यपूर्व सामन्यात गतविजेत्या फेबियो पोगनिनी याचा ६-४, ६-३ असा सरळ सेटमध्ये पराभव करत उपांत्य फेरी गाठली आहे.
ब्रिटनच्या डेन इवांसने याने देखील या स्पर्धेत उपांत्य फेरी गाठली आहे. जागतिक क्रमवारीत ३३ व्या स्थानी असलेल्या इवांसचा उपांत्यपूर्व फेरीचा सामना बेल्जियमच्या डेव्हिड गोफिन याच्याशी झाला होता. इवांसने हा सामना दोन तास ४२ मिनिटात ५-७, ६-३, ६-४ अशा फरकाने जिंकला. इवांसचा उपांत्य फेरीत स्टेफायनोस सितसिपास यांच्याशी सामना होणार आहे.
हेही वाचा - टेनिस प्रीमियर लीगमध्ये यूकी भांबरी करणार दिल्लीचे नेतृत्व
हेही वाचा - मेदवेदेवला कोरोनाची लागण, मोंटे कार्लो मास्टर्समधून घेतली माघार
