पॅरिस - भारताची महिला टेनिसपटू अंकिता रैनाने फ्रेंच ओपनच्या पात्रता स्पर्धेतील दुसऱ्या फेरीत स्थान मिळवले आहे. पहिल्या फेरीत अंकिताने जोवाना जोविकला पराभूत केले. अंकिताने जोवानाला ६-४, ४-६, ६-४ असे हरवले.
अंकिता आणि जोवानामध्ये २ तास ४७ मिनिटे हा सामना रंगला होता. आता अंकिताचा सामना जपानच्या कुरुमी नाराशी होईल. ग्रँडस्लॅमच्या मुख्य फेरीपर्यंत पोहोचण्यासाठी अंकिताला आणखी दोन विजयांची आवश्यकता आहे.
तत्पूर्वी, पुरुष एकेरीत पात्रता फेरीच्या दुसऱ्या फेरीत प्रजनेश गुणस्वरनने तुर्कीच्या सेम इल्केलचा पराभव केला. प्रजनेशने हा सामना ६-३, ६-१ असा जिंकला. बुधवारी प्रजनेशचा सामना ऑस्ट्रेलियाच्या अ‌ॅलेक्झांड्रा वुकिचशी होणार आहे.
सुमित नागल आणि रामकुमार रामनाथन पात्रतेच्या पहिल्या फेरीत पराभूत झाले आहेत.
