ICC Women T20 World Cup 2023 : विश्वातील 10 दिग्गज टीमची आयसीसीमधील कामगिरीवर एक नजर, पाहुया प्रत्येक टीमचे रॅंकींग

आठवा महिला टी-20 विश्वचषक 10 फेब्रुवारीपासून सुरू होत आहे. या वेळेला विश्वचषकाचे यजमानपद दक्षिण अफ्रिकेला मिळाले आहे. स्पर्धेतील सर्व सामने दक्षिण अफ्रिकेत होणार आहेत. पहिला सामना दक्षिण आफ्रिका आणि वेस्ट इंडिज यांच्यात होणार आहे. 17 दिवसांच्या विश्वचषकाचा अंतिम सामना 26 फेब्रुवारीला होणार आहे.

नवी दिल्ली : महिला T20 विश्वचषक चॅम्पियन बनण्यासाठी 10 संघ स्पर्धा करणार आहेत. 10 फेब्रुवारीपासून सुरू होणाऱ्या विश्वचषक स्पर्धेची ही आठवी आवृत्ती आहे. पहिला सामना दक्षिण आफ्रिका आणि वेस्ट इंडिज यांच्यात होणार आहे. 17 दिवस चालणाऱ्या विश्वचषकाचा अंतिम सामना 26 फेब्रुवारीला होणार आहे. दक्षिण आफ्रिका आयसीसी महिला टी-२० विश्वचषकाचे यजमानपद भूषवत आहे. विश्वचषकात सहभागी होणाऱ्या सर्व संघांची दोन गटांत विभागणी करण्यात आली आहे.

महिला T20 विश्वचषक 2023

महिला विश्वचषकमध्ये कोणते संघ सहभागी : यजमान दक्षिण आफ्रिका, न्यूझीलंड, बांगलादेश आणि श्रीलंका यांच्यासोबत ऑस्ट्रेलिया 'अ' गटातून खेळणार आहे. तर 'ब' गटात भारत, पाकिस्तान, इंग्लंड, आयर्लंड आणि वेस्ट इंडिज यांचा समावेश असणार आहे. विश्वचषकमध्ये जगभरातील 50 महिला संघ सहभागी होण्यासाठी इच्छुक आहेत. परंतु, रॅंकींगनुसार केवळ 10 मोठ्या संघांना यात सहभागी होण्याची संधी मिळाली.

ऑस्ट्रेलिया सर्वाधिकवेळा चॅम्पियन बनला महिला T20 विश्वचषक स्पर्धेच्या 15 वर्षांच्या इतिहासात केवळ तीन देशांना चॅम्पियनचे विजेतेपद मिळवता आले आहे. ऑस्ट्रेलिया हा T20 विश्वचषकातील आतापर्यंतचा सर्वात यशस्वी संघ आहे. ऑस्ट्रेलिया सर्वाधिक पाच वेळा (2010, 2012, 2014, 2018, 2020) T20 चा चॅम्पियन बनला आहे. त्याचबरोबर इंग्लंड (2009) आणि वेस्ट इंडिज (2026) 1-1 वेळा चॅम्पियन बनले आहेत. त्याचबरोबर भारतीय संघ 15 वर्षांपासून विश्वचषकाच्या अंतिम फेरीत स्थान मिळवू शकलेला नाही. भारतीय संघ यावेळी इतिहास रचू शकतो.

पहिला महिला टी-20 विश्वकप इंग्लडने जिंकला : पहिला विश्वकप इंग्लंड संघाने जिंकला होता. जगातील 50 हून अधिक देशांतील महिला क्रिकेट संघ या स्पर्धेत खेळण्यासाठी इच्छुक आहेत. परंतु, केवळ 10 देश विश्वचषकासाठी पात्र ठरले आहेत. विश्वचषक स्पर्धेत भाग घेणारे संघ आयसीसीच्या पहिल्या दहा क्रमवारीत आहेत. ऑस्ट्रेलिया हा जगातील नंबर 1 संघ आहे. त्याचबरोबर जागतिक क्रमवारीत भारत चौथ्या स्थानावर आहे. 2009, 2010, 2012, 2014, 2016, 2018 आणि 2020 मध्ये महिला टी-20 विश्वचषकाच्या सात आवृत्त्या झाल्या आहेत. महिला टी-20 विश्वचषकाची पहिली आवृत्ती 2009 मध्ये इंग्लंडमध्ये झाली होती. न्यूझीलंडचा सहा गडी राखून पराभव करून इंग्लंड चॅम्पियन बनला. २०१२ पर्यंत आठ संघ या स्पर्धेत खेळत होते, ज्यांची संख्या २०१४ मध्ये १० झाली.

भारत आजपर्यंत महिला टी-20 विश्वचषकपासून दूर : भारताला आजपर्यंत महिला टी-20 विश्वचषक जिंकता आलेला नाही. जागतिक क्रमवारीत चौथ्या क्रमांकावर असलेला भारतीय संघ यावेळी विश्वचषकाच्या दावेदारांपैकी एक आहे. भारतीय संघ नुकताच दक्षिण आफ्रिकेत खेळल्या गेलेल्या अंडर 19 T20 विश्वचषकाचा चॅम्पियन बनला आहे. यानंतर टी-20 विश्वचषक चॅम्पियन बनण्याची अपेक्षा वाढली आहे.