मेरठ: मेरठ या जिल्ह्यातील एका मजुराची मुलगी जैनब खातून हिने दुबई येथे पार पडलेल्या पॅरा- पॉवरलिफ्टिंग वर्ल्ड चॅम्पियनशिपमध्ये 61 किलो वजनी गटात अपंगत्वावर मात करत कांस्यपदक पटकावले आहे. (Bronze Medal Winner Zainab Khatoon) आता या मुलीचे दुबईहून परतल्यावर सगळेच अभिनंदन करत आहेत. (meerut divyang girl zainab khatoon) मनात एखादी गोष्ट करण्याची जर हिंमत असेल आणि दृढ संकल्प असेल तर कितीही अडचणी आल्या तरी माणूस आपला मार्ग निश्चित करत असतो. (Para powerlifting World Cup) असेच काहीसे केले आहे, मेरठच्या भवानपूर पोलीस स्टेशन हद्दीतील नागला साहू या छोट्याशा गावाची मुलगी झैनब खातून हिने केले आहे.
दुबई येथे 15 ते 18 तारखेच्या दरम्यान झालेल्या 12 व्या जागतिक पॅरा पॉवरलिफ्टिंग स्पर्धेत कांस्यपदक मिळवण्यात झैनबला यश आले आहे. मात्र, या विल चेअरच्या सहाय्याने चालावे लागते. राज्यस्तरीय स्पर्धा असो की, राष्ट्रीय स्पर्धा, तिच्या धाडसाच्या जोरावर झैनबने आपले कर्तृत्व सिद्ध केले आहे. याआधीच्या २ वर्षांच्या कारकिर्दीत झैनबच्या नावावर राज्यात २ सुवर्णपदके आहेत, तर एका राष्ट्रीय स्पर्धेत सुवर्णपदक आहे.
झैनबने ईटीव्ही इंडियाला सांगितलेआहे की, ते ५ बहिणी आणि भाऊ आहेत आणि ती स्वतः घरात सर्वात मोठी आहे. काही जबाबदाऱ्याही तिच्यावर अधिक आहेत. जैनब सांगते की, वडील मजुरीचे काम करतात. सुमारे २ वर्षांपूर्वी तिने ठरवले होते की, काहीतरी वेगळे करून आपल्या कुटुंबालाही अभिमान वाटेल. त्यानंतर झैनब कैलास प्रकाश स्टेडियमकडे वळली आणि त्यानंतर तिच्या शिक्षकांच्या मार्गदर्शनाखाली ती सातत्याने यशाकडे वाटचाल करत आहे.
भारतातील एकूण ५ पुरुष आणि ४ महिला पॅरा खेळाडूंनी भाग घेतला होता. उत्तर प्रदेशबद्दल बोलायचे झाले तर, जैनब खातून आंतरराष्ट्रीय स्तरावर कांस्य पदक जिंकणारी यूपीची पहिली खेळाडू ठरली आहे. ईटीव्ही इंडियाची आंतरराष्ट्रीय पॅरा लिफ्टर खेळाडू झैनब खातून म्हणाली की, तिच्या आयुष्यात अनेक अडचणी आल्या तरी, पण त्यांचा सामना करण्यात मला कधीच कमकुवत वाटले नाही. झैनब म्हणते की तिला अभिमान आहे की, ती यूपीमधील पहिली पॅरा पॉवरलिफ्टर महिला आहे, जिने कांस्य पदक मिळवले आहे. तिला पाहून पॅरा ऑलिम्पिकपटूंमध्ये प्रेरणा निर्माण व्हावी आणि त्यांनी सर्व निराशा सोडून पुढे जावे, असे जैनबने यावेळी सांगितले आहे.
