चेन्नई : World Cup 2023 IND vs AUS : भारतीय क्रिकेट संघानं आयसीसी विश्वचषक 2023 चा पहिला सामना ऑस्ट्रेलियाविरुद्ध चेन्नईच्या एम.ए. चिदंबरम स्टेडियमवर खेळवण्यात आला. या सामन्यात भारताचा स्टार फलंदाज विराट कोहलीच्या शानदार फलंदाजीच्या जोरावर कांगारुंवर 6 गडी राखत विजय संपादन केला. या सामन्यात इशान किशन शून्य धावांवर पॅव्हेलियनमध्ये परतल्यावर विराट कोहली फलंदाजीला आला. यानंतर विराट दुसऱ्या टोकाला उभा राहून प्रथम कर्णधार रोहित शर्मा (0) आणि नंतर श्रेयस अय्यर (0) पॅव्हेलियनमध्ये परतताना पाहत होता. टीम इंडिया कठीण परिस्थितीत असताना विराट कोहलीनं राहूलच्या साथीनं सावध फलंदाजी करत धावसंख्या पुढे नेली आणि शानदार फटकेही मारले.
विराट कोहलीनं झळकावलं 66 व अर्धशतक : विराटनं कठीण काळात शानदार फलंदाजी करत 75 चेंडूत 3 चौकारांच्या मदतीने 50 धावा पूर्ण केल्या. या काळात त्याचा स्ट्राइक रेट 64.10 होता. यानंतर आक्रमक फटका मारण्याच्या नादात हेजलवूडची शिकार झाला. या सामन्यात प्रथम फलंदाजी करताना ऑस्ट्रेलियन संघ 49.3 षटकांत 199 धावांत गारद झाला. ऑस्ट्रेलियाकडून डेव्हिड वॉर्नरनं 41 आणि स्टीव्ह स्मिथनं 46 धावा केल्या. तर, भारतासाठी डावखूरा फिरकीपटू रवींद्र जडेजानं 2.8 च्या उत्कृष्ट इकॉनॉमीसह 28 धावांत 3 बळी घेतले. 200 धावांचा पाठलाग करताना भारतानं 41.2 षटकांत 201 धावा करत विजय मिलवला.
-
End of a magnificent knock from Virat Kohli, who departs for 85 👏👏#TeamIndia 168/4, with 32 more runs to win.
— BCCI (@BCCI) October 8, 2023 " class="align-text-top noRightClick twitterSection" data="
Follow the Match ▶️ https://t.co/ToKaGif9ri#CWC23 | #INDvAUS | #MeninBlue pic.twitter.com/YL4J8DrI6Y
">End of a magnificent knock from Virat Kohli, who departs for 85 👏👏#TeamIndia 168/4, with 32 more runs to win.
— BCCI (@BCCI) October 8, 2023
Follow the Match ▶️ https://t.co/ToKaGif9ri#CWC23 | #INDvAUS | #MeninBlue pic.twitter.com/YL4J8DrI6YEnd of a magnificent knock from Virat Kohli, who departs for 85 👏👏#TeamIndia 168/4, with 32 more runs to win.
— BCCI (@BCCI) October 8, 2023
Follow the Match ▶️ https://t.co/ToKaGif9ri#CWC23 | #INDvAUS | #MeninBlue pic.twitter.com/YL4J8DrI6Y
विराटला सुरुवातीला मिळालं जिवदान : विराटनं सुरुवातीला ऑस्ट्रेलियन गोलंदाजांना सावधपणे खेळवलं आणि नंतर हळूहळू हात उघडले. या काळात विराट कोहलीलाही जीवनदान मिळाले. तो जोश हेझलवूडला पूर्ण शॉट मारायला गेला तेव्हा चेंडू हवेत उभा राहिला. यादरम्यान यष्टीरक्षक अ‍ॅलेक्स कॅरी आणि मिचेल मार्श हे दोघंही झेल पकडण्यासाठी धावले पण चेंडू मार्शच्या हातातून सुटला. यासह विराट कोहलीलाही जीवदान मिळालं. यानंतर विराटनं मागं वळून पाहिलं नाही आणि एकदिवसीय कारकिर्दीतील 66 वं अर्धशतक झळकावलं.
कोहलीनं कोणते विक्रम नोंदवले :
- विराट कोहली आणि के.एल. राहुल यांची दीडशतकी भागिदारी झाली. विश्वचषकात ऑस्ट्रेलियाविरोधातील ही आतापर्यंतची सर्वोत्तम भागिदारी
- एकदिवसीय फॉर्मेटमध्ये सर्वाधिक वेळा 50 पेक्षा जास्त धावा (नॉन ओपनर) विराट कोहलीच्या नावावर जमा झाल्या आहेत, 270 डावात विराट कोहलीचा 114 वा 50 प्लस स्कोर.
- विराट कोहलीनं तिसऱ्या क्रमांकावर 11 हजार धावांचा टप्पा पार केला. तिसऱ्या क्रमांकावर 11 हजार धावा करणारा विराट कोहली पहिलाच खेळाडू ठरला.
- विराट कोहली विश्वचषकात सर्वाधिक धावा (नॉन ओपनर) करणारा फलंदाज झाला.
- आयसीसीच्या व्हॉइट बॉल स्पर्धेत भारातकडून सर्वाधिक धावा करणारा विराट कोहली पहिला खेळाडू ठरला. विराट कोहलीनं 24 डावात 2720 पेक्षा जास्त धावा केल्या आहेत. त्यानं सचिनचा विक्रम मोडला. सचिन तेंडुलकरनं 58 डावात 2719 धावा केल्या आहेत, तर तिसऱ्या क्रमांकावर रोहित शर्मा आहे. त्यानं 64 डावात 2422 धावा केल्या आहेत.
- वनडे वर्ल्डकपमध्ये सर्वाधिक धावा करणारा विराट कोहली दुसरा भारतीय खेळाडू. विराट कोहलीच्या नावावर आता जवळपास 1100 धावांची नोंद. सचिन तेंडुलकर 2278 धावांसह पहिल्या स्थानावर कायम आहे तर सौरव गांगुली 1006 धावांसह तिसऱ्या क्रमांकावर आहे.
- विराट कोहलीनं विश्वचषकात सर्वाधिक झेल घेणारा भारतीय खेळाडू म्हणून मान मिळवला. विराट कोहलीनं विश्वचषकाच्या 27 डावामध्ये 15 झेल घेतले आहेत.
हेही वाचा :
