World Cup २०२३ : एकदिवसीय विश्वचषकासाठी भारतीय संघ जाहीर, जाणून घ्या कोणाची लागली लॉटरी, कोणाचा पत्ता कट झाला

World Cup 2023 : आगामी एकदिवसीय विश्वचषकासाठी टीम इंडियाची घोषणा करण्यात आली आहे. रोहित शर्मा संघाचा कर्णधार असून हार्दिक पांड्याला उपकर्णधारपद देण्यात आलंय.

नवी दिल्ली World Cup 2023 : आयसीसी एकदिवसीय विश्वचषक स्पर्धेसाठी भारतीय क्रिकेट संघाची घोषणा करण्यात आलीय. मंगळवारी (5 सप्टेंबर) दुपारी १:३० वाजता मुख्य निवडकर्ते अजित आगरकर आणि कर्णधार रोहित शर्मा यांनी पत्रकार परिषद घेऊन संघाची माहिती दिली.

केएल राहुलचा संघात समावेश : बंगळुरुच्या नॅशनल क्रिकेट अकादमीनं मंजुरी दिलेल्या खेळाडूंचा संघात समावेश करण्यात आलाय. यामध्ये विकेटकीपर फलंदाज केएल राहुल, फलंदाज सूर्यकुमार यादव, अष्टपैलू हार्दिक पांड्या, सलामीवीर शुभमन गिल, भारताचा माजी कर्णधार आणि स्टार फलंदाज विराट कोहली यांचा समावेश आहे. भारताच्या वेगवान फळीचं नेतृत्व वेगवान गोलंदाज जसप्रीत बुमराह करेल. त्याला मोहम्मद शमी, मोहम्मद सिराजसह आणि शार्दुल ठाकूर साथ देतील. अजित आगरकरच्या नेतृत्वाखालील निवड समितीनं चायनामन कुलदीप यादव, डावखुरा फिरकीपटू अक्षर पटेल आणि रवींद्र जडेजा यांच्यावरही विश्वास दाखवला आहे.

भारतीय संघ

आमचा सर्वोत्तम १५ जणांचा संघ : यावेळी बोलताना कर्णधार रोहित शर्मा म्हणाला, 'हा आमचा सर्वोत्तम १५ जणांचा संघ आहे. उपांत्यपूर्व फेरीपूर्वी आमच्याकडे स्पर्धेतील नऊ सामने आहेत. त्यामुळे आम्ही थोडं निर्धास्त आहोत. एक किंवा दोन सामन्यात खराब प्रदर्शन केल्यानंतरही आम्ही स्पर्धेत परतू शकतो', असं रोहित म्हणाला. 'आम्ही फलंदाजी आणि गोलंदाजी या दोन्हीमध्ये संतुलन साधण्याचा प्रयत्न केला आहे. याची आमच्याकडे बऱ्याच काळापासून कमतरता होती', असं त्यानं स्पष्ट केलं.

• Indian team for the World Cup 2023:
  
  Rohit (C), Kohli, Bumrah, Hardik, Gill, Iyer, Rahul, Jadeja, Siraj, Shami, Kuldeep, Thakur, Axar, Ishan, Surya. pic.twitter.com/4wYFFHaCeW

  — Johns. (@CricCrazyJohns) September 5, 2023 " class="align-text-top noRightClick twitterSection" data="

  Indian team for the World Cup 2023:
  
  Rohit (C), Kohli, Bumrah, Hardik, Gill, Iyer, Rahul, Jadeja, Siraj, Shami, Kuldeep, Thakur, Axar, Ishan, Surya. pic.twitter.com/4wYFFHaCeW

  — Johns. (@CricCrazyJohns) September 5, 2023

  ">

  Indian team for the World Cup 2023:
  
  Rohit (C), Kohli, Bumrah, Hardik, Gill, Iyer, Rahul, Jadeja, Siraj, Shami, Kuldeep, Thakur, Axar, Ishan, Surya. pic.twitter.com/4wYFFHaCeW

  — Johns. (@CricCrazyJohns) September 5, 2023

हार्दिक पांड्या संपूर्ण पॅकेज आहे : 'पाकिस्तानविरुद्धच्या आशिया चषकातील पहिल्या सामन्यात आम्ही कमी पडलो कारण आमच्या संघात फलंदाजांची खोली नव्हती. आमतच्या संघात तीन अष्टपैलू, चार वेगवान आणि सात फलंदाज आहेत', असं रोहित म्हणाला. 'उपकर्णधार हार्दिक पांड्या एक संपूर्ण पॅकेज आहे. त्याचा फॉर्म विश्वचषकासाठी महत्त्वपूर्ण असेल', असं रोहितनं सांगितलं. २०१३ मध्ये इंग्लंडमध्ये झालेल्या चॅम्पियन्स ट्रॉफीमध्ये भारतानं अखेरचे आयसीसी विजेतेपद पटकावलं होत.

विश्वचषक २०२३ साठी भारताचा संघ : रोहित शर्मा (कर्णधार), हार्दिक पांड्या (उपकर्णधार), विराट कोहली, जसप्रीत बुमराह, शुभमन गिल, केएल राहुल, श्रेयस अय्यर, रवींद्र जडेजा, इशान किशन, सूर्यकुमार यादव, कुलदीप यादव, मोहम्मद. सिराज, मो. शमी, अक्षर पटेल आणि शार्दुल ठाकूर.

हेही वाचा : Asia Cup २०२३ : भारताचा नेपाळवर 10 विकेटनं विजय, रोहित-गिलची दमदार खेळी, सुपर 4 मध्ये प्रवेश