IPL 2022 Point Table : प्लेऑफच्या शर्यतीतून मुंबई बाहेर पडल्यानंतर 'अशी' आहे गुणतालिका - Lucknow Super Giants

आयपीएल 2022 ( IPL 2022 ) मध्ये प्लेऑफच्या शर्यतीतून बाद होणारा मुंबई इंडियन्स हा पहिला संघ ठरला आहे. लखनौ सुपर जायंट्सविरुद्धच्या सामन्यात मुंबईला 36 धावांनी पराभव स्वीकारावा लागला होता. या मोसमात मुंबईचा हा सलग आठवा पराभव ठरला. त्याचवेळी लखनौने या सामन्यात हंगामातील पाचवा विजय नोंदवला आणि गुणतालिकेत पहिल्या चार संघांमध्ये जागा मिळवली.

Point Table

Published : Apr 25, 2022, 10:41 PM IST

हैदराबाद: रविवारी (२४ एप्रिल) आयपीएलच्या पंधराव्या हंगामातील 37 व्या सामन्यात लखनौ सुपर जायंट्स संघाने मुंबई इंडियन्सचा पराभव केला. या विजयासह लखनौचा संघ गुणतालिकेत चौथ्या क्रमांकावर पोहोचला आहे. त्याचबरोबर मुंबई इंडियन्सला सलग आठव्या पराभवाला सामोरे जावे लागले आहे. मुंबईची ही आतापर्यंतची सर्वात खराब कामगिरी आहे.

या सामन्यात लखनऊचा कर्णधार केएल राहुलने आपले दुसरे शतक झळकावले. या मोसमात त्याने मुंबई इंडियन्सविरुद्ध दोन वेळा शतक झळकावले आहे. पहिल्या सामन्यात त्याने 60 चेंडूत 103 धावा केल्या होत्या. त्याचबरोबर दुसऱ्या सामन्यात राहुलने 62 चेंडूत नाबाद 103 धावांची खेळी केली. तसेच संघाला 36 धावांनी विजय मिळवून दिले.

गुणतातालिकेतील सध्याची स्थिती -

गुजरातचा संघ सातपैकी सहा सामने जिंकून गुणतालिकेत पहिल्या स्थानावर कायम आहे. हैदराबाद आणि राजस्थानने सातपैकी पाच सामने जिंकले असून ते अनुक्रमे दुसऱ्या आणि तिसऱ्या स्थानावर आहेत. पाचव्या विजयासह लखनौचा संघ चौथ्या स्थानावर पोहोचला आहे. त्याचवेळी आरसीबी पाचव्या क्रमांकावर घसरला आहे.

आयपीएल 2022 गुणतालिका

या पाच संघांमध्ये प्लेऑफची लढत होणार आहे. या स्पर्धेत आतापर्यंत सहा गुण मिळवणाऱ्या दिल्ली, कोलकाता आणि पंजाबसाठी प्लेऑफचे दरवाजे खुले आहेत. मात्र या तिन्ही संघांना येत्या सामन्यांमध्ये चांगली कामगिरी करावी लागणार आहे. नवव्या क्रमांकावर असलेल्या चेन्नईला अव्वल चारमध्ये स्थान मिळवण्यासाठी जवळपास प्रत्येक सामना जिंकावा लागेल. त्याचवेळी मुंबई प्ले ऑफच्या शर्यतीतून बाहेर पडली आहे.

सर्वाधिक धावा करणारे फलंदाज (ऑरेंज कॅप)