भारत आणि श्रीलंका क्रिकेट संघादरम्यानचा मालिकेतील दुसरा सामना आज धर्मशाला येथे खेळला जात आहे. भारताने मालिकेतील पहिला सामना जिंकून आघाडी घेतली असली तरी आजचा सामना श्रीलंकेसाठी विशेष असणार आहे. श्रीलंकेचा संघ आजचा सामना जिंकून मालिकेत बरोबरी साधू शकतो. तसे जर घडले नाही तर ही मालिका त्यांच्या हातातून निसटून जाईल. या सामन्यात भारताचा कर्णदार रोहित शर्माने नाणेफेक जिंकून प्रथम गोलंदाजी करण्याचा निर्णय घेतला आहे.
नाणेफेक जिंकताना भारतीय कर्णधार म्हणाला, "आम्ही प्रथम गोलंदाजी करणार आहोत, आम्हाला फक्त आमच्यासमोर धावसंख्या ठेवायची आहे. जसजसा खेळ पुढे जाईल तसतसा तो थंड होत जाईल. आमच्यासाठी हाच संघ आहे, विजय किंवा पराभवावर बदल अवलंबून नाही. आमच्या दुखापतींवरही आमची नजर आहे. आम्हाला मुलांचीही काळजी घ्यावी लागेल."
"खेळपट्टी झाकलेली असल्याने आम्हीही गोलंदाजी केली असती. सलामीवीर आणि आघाडीच्या फळीला चांगली गोलंदाजी करणे आवश्यक आहे. दोन बदल, जेनिथ लियानेज आणि जेफ्री वँडर बाहेर झाले आहेत आणि त्यांच्या जागी बिनुरा फर्नांडो आणि दानुष्का गुनाथिलाका यांचा समावेश केला जाईल," शनाका म्हणाला.
दोन्ही संघांची प्लेइंग इलेव्हन
श्रीलंका प्लेइंग इलेव्हन : पाथुम निसांका, कामिल मिशारा, चरिथ असलांका, दानुष्का गुणातिलका, दिनेश चंडिमल (यष्टीरक्षक), दासुन शनाका (कर्णधार), चमिका करुणारत्ने, दुष्मंथा चमीरा, प्रवीण जयविक्रमा, बिनुरा फर्नांडो, लाहिरू कुमारा.
भारत प्लेइंग इलेव्हन: रोहित शर्मा (कर्णधार), इशान किशन (यष्टीरक्षक), श्रेयस अय्यर, संजू सॅमसन, रवींद्र जडेजा, व्यंकटेश अय्यर, दीपक हुडा, हर्षल पटेल, भुवनेश्वर कुमार, जसप्रीत बुमराह, यजुर्वेंद्र चहल
