मुंबई - कोरोनामुळे सर्वजण घरात अडकले आहेत. क्रीडाविश्वातील अनेक नामवंत खेळाडू आपला वेळ कुटुंबीयांसोबत घालवत आहेत. भारतात सध्या ३ मेपर्यंत लॉकडाऊन असल्याने अनेकजण घरात विविध उपक्रम करत आहेत. दरम्यान, भारताचा माजी क्रिकेटपटू सचिन तेंडुलकरही घरात असून त्याने स्वत: आपले केस कापले आहेत.
सचिनने इन्स्टाग्रामवर स्वत:च्या लूकचा फोटो शेअर केला. या फोटोआधी त्याने स्वत:चे केस कापतानाचे फोटोही पोस्ट केले होते. “क्रिकेटमध्ये स्क्वेअर कट खेळण्यापासून ते स्वत: केस कापण्यापर्यंत. मला नेहमी वेगळं करायला आवडतं. माझी नवीन हेअरस्टाईल कशी वाटली?”, असे त्याने या पोस्टच्या कॅप्शनमध्ये लिहिले आहे. सचिनच्या या नव्या उपक्रमाबद्दल अनेक चाहत्यांनी त्याला प्रत्युत्तर दिले आहे.
- " class="align-text-top noRightClick twitterSection" data="
">
कोरानाविरूद्धच्या लढाईत सचिनने महत्त्वाचे योगदान दिले आहे. सुरुवातीला त्याने ५० लाखाची मदत दिली होती. त्यानंतर त्याने पाच हजार लोकांच्या रेशनची व्यवस्था केली होती.
