अहमदाबाद - सलग तिसऱ्या टी-२० सामन्यात के एल राहुल धावा जमवण्यात अपयशी ठरला. इंग्लंडविरुद्धच्या तिसऱ्या सामन्यात मार्क वूडने राहुलला भोपळाही फोडू दिला नाही. त्याने तिसऱ्या षटकात राहुलला क्लीन बोल्ड केलं. यासह राहुलच्या नावे एक नकोशा विक्रम केला आहे.
राहुल इंग्लंडविरुद्धच्या टी-२० मालिकेत सातत्याने अपयशी ठरत आहे. पहिल्या सामन्यात त्याला फक्त १ धाव करता आली. तर दुसऱ्या आणि आजच्या तिसऱ्या सामन्यात तो शून्यावर बाद झाला. यासह राहुलने एका मालिकेत सर्वाधिक वेळा शून्यावर बाद होण्याबाबत अंबाती रायुडू आणि आशिष नेहराशी बरोबरी केली आहे.
नेहरा २०१० मध्ये विश्व करंडक स्पर्धेत सलग सामन्यात शून्यावर बाद झाला होता. तर अंबाती रायुडू २०१५ मध्ये दक्षिण आफ्रिकेविरुद्ध बॅक टु बॅक भोपळा फोडण्यात अपयशी ठरला होता.
विराटची झुंजार खेळी अन् इंग्लंडला विजयासाठी १५७ धावांचे आव्हान
इंग्लंडचा वेगवान गोलंदाज मार्क वूडच्या भेदक माऱ्यासमोर आघाडीच्या फलंदाजांनी नांगी टाकली. तेव्हा कर्णधार विराट कोहलीने झंझावती नाबाद ७७ धावांची खेळी केली. त्याच्या या खेळीच्या जोरावर भारताने इंग्लंडसमोर विजयासाठी १५७ धावांचे लक्ष्य ठेवले. विराटला हार्दिकने १७ धावा करत चांगली साथ दिली. या दोघांनी पाचव्या गड्यासाठी ३३ चेंडूत ७० धावांची भागिदारी केली.
हेही वाचा - Ind Vs Eng ३rd T-२० : इंग्लंडसमोर विजयासाठी १५७ धावांचे आव्हान, विराटची झंझावती खेळी
हेही वाचा - मॉर्गनच्या नावे खास विक्रम, अशी कामगिरी करणारा जगातील चौथा तर इंग्लंडचा एकमेव खेळाडू
