मुंबई - तामिळनाडूचा युवा अष्टपैलू खेळाडू शाहरूख खानवर आयपीएल २०२१ च्या लिलावात मोठी बोली लागली. यात प्रिती झिंटाच्या पंजाब संघाने त्याला खरेदी केले. २० लाख बेस प्राईज असलेल्या शाहरुख खानसाठी प्रितीने मोठी रक्कम मोजली. प्रितीने शाहरुखला ५.२५ कोटी रूपयात खरेदी केले.
आयपीएल २०२१ च्या लिलावात शाहरुख खान याला आपल्या संघात घेण्यासाठी संघ मालकांमध्ये चांगलीच स्पर्धा रंगली होती. पंजाब आणि आरसीबी या दोन्ही संघाने शाहरुख खानसाठी मोठी बोली लावली. मात्र, प्रितीच्या पंजाब संघाने ही बोली जिंकली.
कोण आहे शाहरुख खान
शाहरुख खान तामिळनाडूचा खेळाडू असून त्याने सय्यद मुश्ताक अली ट्रॉफीत धमाकेदार कामगिरी केली आहे. त्याने या स्पर्धेत २२० च्या स्ट्राईक रेटने धावा काढल्या. त्याच्या या कामगिरीने सर्वांचेच लक्ष वेधून घेतले होते.
शाहरुख रजनीकांतचा फॅन
क्रिकेटर शाहरुख खानचे नाव बॉलिवूड स्टार शाहरुख खान याच्या नावावरूनच ठेवण्यात आले. असे असले तरी तो रजनीकांत याचा जबरा फॅन आहे.
दरम्यान, शाहरुख आता पंजाब संघात दाखल झाला आहे. पंजाब संघात के. एल राहुल, ख्रिस गेल आणि मयांक अगरवाल यांच्यासारख्या दिग्गजांसोबत शाहरुख आता आपले नशीब अजमावणार आहे.
हेही वाचा - IPL Auction २०२१ : ख्रिस मॉरिस ठरला आयपीएल इतिहासातील सर्वात महागडा खेळाडू
