दुबई - आयपीएल २०२०चा अंतिम सामना ४ वेळचा विजेत्या मुंबई इंडियन्स आणि पहिल्यांदाच अंतिम फेरी गाठलेल्या दिल्ली कॅपिटल्स संघात खेळला जाणार आहे. या सामन्याआधी भारताचा मास्टर ब्लास्टर खेळाडू आणि मुंबईकर सचिन तेंडुलकरने मुंबईच्या संघासाठी एक खास संदेश दिला आहे.
मुंबई इंडियन्सने त्यांच्या सोशल मीडिया अकाउंटवरुन एक व्हिडिओ शेअर केला आहे. केवळ संघ व्यवस्थापन काम करत नाही तर संघ मालक आणि फॅन्स देखील मुंबईला सपोर्ट करत आहेत, असे सचिन या व्हिडिओत सांगताना दिसतो.
सर्वच तुमच्या पाठीशी..
सचिन म्हणाला की, 'जेव्हा तुम्हाला माहीत आहे की, मालकापासून सपोर्ट स्टाफ आणि सर्वजण तुमच्या पाठीमागे आहेत आणि जेव्हा तुम्ही मुंबईसाठी खेळण्यासाठी जाता तेव्हा तुम्ही एकटे नसता. तुमच्यासोबत पूर्ण ताफा उभा राहतो. ते तुमच्याकडून बेस्ट काढून घेतात, तसेच ते सर्व गोष्टी करतात, ज्यामुळे तुम्ही मोठ्या पातळीवर परफॉर्म करू शकाल.'
