अबू धाबी - आयपीएलचा १३ हंगाम खेळण्यासाठी सर्व संघ युएईमध्ये दाखल झाले आहेत. चेन्नई सुपर किंग्ज वगळता सर्व संघांनी क्रिकेटच्या सरावाला सुरूवात केली आहे. याशिवाय खेळाडू हॉटेलमध्ये कुटुंब आणि आपल्या सहकाऱ्यांसोबत मस्ती करताना दिसून येत आहे. मुंबई इंडियन्सने आपल्या अधिकृत ट्विटर अकाऊंटवरुन एक व्हिडिओ शेअर केला आहे. यात मुंबई इंडियन्सच्या क्रिकेट ऑपरेशन्सचा संचालक झहीर खान संघाविषयी माहिती देताना पाहायला मिळत आहे.
मुंबई इंडियन्स संघाने शेअर केलेल्या व्हिडिओत खेळाडू मस्ती करताना दिसून येत आहेत. खेळाडूंची व्यवस्था दिव्य अशा हॉटेलमध्ये करण्यात आली आहे. स्फोटक फलंदाज हार्दिक पांड्या रॉकस्टार लूकमध्ये स्टेजवर गाणे गाताना दिसून येत आहे. याशिवाय व्हिडिओमध्ये टीम रूम, जिम आणि गेम झोनही पाहायला मिळत आहेत. व्हिडिओ दरम्यान, झहीरने संपूर्णपणे मुंबई इंडियन्सच्या चाहत्यांना समर्पित केलेली एक वॉलही दाखविली, ज्यात स्टेडियममधील चाहत्यांचे टीमला चीअर करतानाचे फोटो आहेत.
-
Sit back, relax and take a virtual tour of our team room in Abu Dhabi 🇦🇪#OneFamily #MumbaiIndians #MI #Dream11IPL @ImZaheer pic.twitter.com/bSzm00jvIm
— Mumbai Indians (@mipaltan) September 1, 2020 " class="align-text-top noRightClick twitterSection" data="
">Sit back, relax and take a virtual tour of our team room in Abu Dhabi 🇦🇪#OneFamily #MumbaiIndians #MI #Dream11IPL @ImZaheer pic.twitter.com/bSzm00jvIm
— Mumbai Indians (@mipaltan) September 1, 2020Sit back, relax and take a virtual tour of our team room in Abu Dhabi 🇦🇪#OneFamily #MumbaiIndians #MI #Dream11IPL @ImZaheer pic.twitter.com/bSzm00jvIm
— Mumbai Indians (@mipaltan) September 1, 2020
व्हिडिओत झहीर म्हणतो, 'आम्ही नेहमीच टीम रूमवर लक्ष केंद्रित केले आहे. कारण येथेच जास्त बॉण्डिंग होते. खेळाडू येथे सर्वाधिक वेळ घालवतात. आपण पाहू शकता की, खेळाडूंना येथे सुमारे तीन महिने राहायचे आहे. हा बराच मोठा काळ आहे. प्रत्येकाचे कुटुंब आणि खेळाडू येथे एकत्र जमतात, म्हणून हे एक प्रकारे आमचे झोन आहे.
मुंबई इंडियन्सचा संघ सर्वाधिक ४ वेळा आयपीएल चॅम्पियन आहे. २०१३, २०१५, २०१७ आणि २०१९ मध्ये मुंबई चॅम्पियन बनली आहे. यंदाच्या वर्षीही मुंबई इंडियन्स रोहित शर्माच्या नेतृत्वात पाचवे आयपीएल विजेतेपद पटकण्यासाठी आतूर आहे.
हेही वाचा - CSK चाहत्यांसाठी आनंदाची बातमी; 'हा' अनुभवी खेळाडू IPL खेळण्यासाठी युएईमध्ये दाखल
