लंडन - इंग्लंडचे माजी दिग्गज क्रिकेटपटू सर इयान बोथम यांचे नाव प्रतिष्ठित हाऊस ऑफ लॉर्ड्समध्ये जोडले जाणार आहे. ग्रेट ब्रिटन सरकारने त्यांना 'लाइफ पीरेज' पुरस्कार जाहीर केला आहे. एका वृत्तानुसार, हा पुरस्कार मिळालेल्या 36 लोकांमध्ये बोथम यांचे नाव आहे.
हाऊस ऑफ लॉर्ड्सच्या या पुरस्काराच्या यादीत चान्सलर केन क्लार्क आणि फिलिप हॅमंड यांचा देखील समावेश आहे. 2011 पासून हा पुरस्कार मिळवणारे बोथम हे पहिले क्रिकेटपटू आहेत. यापूर्वी राचेस फ्लिंट, डेव्हिड शेफर्ड, कोलिन काउड्रे आणि लियार कॉन्स्टँटाईन यांना हा पुरस्कार मिळाला आहे.
1977 ते 1992 दरम्यान बोथम यांनी इंग्लंडकडून 102 कसोटी सामने खेळले आहेत. या सामन्यात त्यांनी 14 अर्धशतकांसह 5200 धावा केल्या आहेत. तर, 1976 ते 1992 या कालावधीत त्यांनी 116 एकदिवसीय सामने खेळले असून त्यांनी 2113 धावा केल्या आहेत.
2007 मध्ये बोथम यांमा नाइटची उपाधी देण्यात आली. क्रिकेटमधून निवृत्त झाल्यानंतर त्यांनी समालोचन करण्यास सुरुवात केली.
