लखनऊ - अफगाणिस्तान विरुध्दची ३ सामन्यांची एकदिवसीय मालिका वेस्ट इंडीजने ३-० ने जिंकली. तिसऱ्या व अखेरच्या सामन्यात शाय होपच्या नाबाद शतकी खेळीच्या जोरावर विंडीजने अफगाणिस्तानचा ५ गडी राखून पराभव केला. शाय होपने नाबाद १०९ धावांची खेळी केली.
अफगाणिस्तान संघाने प्रथम फलंदाजी करताना, निर्धारीत ५० षटकात ७ बाद २४९ धावा केल्या. तेव्हा २५० धावांचे लक्ष विंडीजने ४८.४ षटकात ५ गड्यांच्या मोबदल्यात पूर्ण केले. नाबाद शतकी खेळी करणारा विंडीजचा सलामीवीर शाय होपला सामनावीरच्या पुरस्काराने गौरविण्यात आले. तर मालिकावीरचा पुरस्कार रोस्टन चेज याने पटकावला.
दरम्यान, ही मालिका लखनऊच्या अटल बिहारी एकना मैदानावर खेळवण्यात आली. हे मैदान अफगाणिस्तानचे होम ग्राऊंड आहे. अफगाणिस्तानमधील युद्धजन्य परिस्थितीमुळे आंतरराष्ट्रीय सामन्यांसाठी बीसीसीआयने लखनऊ येथील नव्याने बांधण्यात आलेलं अटल बिहारी वाजपेयी एकना मैदान अफगाणिस्तानला घरचं मैदान म्हणून दिलं आहे.
हेही वाचा - अरे हे काय.. टी-२० दीपक चहरने नव्हे तर 'या' खेळाडूने घेतली पहिली 'हॅट्ट्रीक'
हेही वाचा - हॅट्ट्रिकनंतर दीपक चहरची आयसीसी क्रमवारीत मोठी झेप
