मुंबई - आयपीएलच्या इतिहासात प्रथमच एका सामन्यात दोन सुपर ओव्हर खेळवण्यात आल्या. मुंबई इंडियन्स आणि किंग्ज इलेव्हन पंजाब यांच्यात झालेल्या सामन्यात पंजाबने दुसऱ्या सुपर ओव्हरमध्ये मुंबईवर विजय मिळवला. पंजाबच्या रोमांचक विजयानंतर कर्णधार केएल राहुलने एक ट्विट केले. या ट्विटवर एका चाहत्याने कमेंट केली. यानंतर चाहत्याच्या कमेंटवर राहुलने उत्तर दिले. राहुलचे ते उत्तर सद्या चर्चेत आहे.
झाले असे की, मुंबईविरुद्धचा रोमांचक सामना जिंकल्यानंतर राहुलने आपल्या अधिकृत ट्विटर अकाऊंटवर सामन्यादरम्यानचे दोन फोटो शेअर केले. या फोटोला कॅप्शन देत राहुलने लिहिले की, 'आठवणीत राहण्यासारखी रात्र ' या पोस्टवर एका चाहत्याने, राहुलने रोहितला बाद केलेल्या क्षणाचा फोटो पोस्ट करत राहुल हा 'माझा थाला' असल्याचे म्हटले.
चाहत्याच्या या कमेंटवर राहुलने प्रत्युत्तर दिले. या कमेंटची चर्चा सद्या होत आहे. राहुल म्हणाला की, 'थाला फक्त एकच आहे. आणि सर्वांना माहिती आहे की, तो कोण आहे.
दरम्यान, महेंद्रसिंह धोनीला 'थाला' या नावानेही ओळखलं जाते. राहुलने धोनीचे नाव न घेता मी थाला नाही तर फक्त अन् फक्त धोनीच थाला असल्याचे म्हटलं आहे. पण आयपीएलच्या तेराव्या हंगामात धोनीला आपली छाप सोडता आलेली नाही. यामुळे तो टीकेचा धनी ठरला आहे.
हेही वाचा - DC vs KXIP : दिल्लीसमोर मनोबल उंचावलेल्या पंजाबचे आव्हान
हेही वाचा - IPL 2020 : चेन्नई एक्स्प्रेस घसरली; राजस्थानचा ७ गड्यांनी विजय!
