जकार्ता - भारताची महिला स्टार बॅडमिंटनपटू पी. व्ही. सिंधूने आपला विजयीरथ चालूच ठेवला आहे. सिंधूने जकार्ता येथ सुरू असलेल्या इंडोनेशिया ओपनच्या उपांत्य सामन्यात धडक मारली आहे.
महिला एकेरीच्या सामन्यात जपानच्या नोझोमी ओकुहाराचा पराभव करत सिंधूने उपांत्य सामना गाठला. सिंधूने हा सामना 21-14, 21-7 असा जिंकला. ही लढत सिंधूने अवघ्या 44 मिनिटांमध्ये जिंकली.
पुरुष एकेरीत श्रीकांतला मात्र पराभवाचा सामना करावा लागला आहे. आठव्या सीडेड भारताच्या किदाम्बी श्रीकांतला हाँगकाँगच्या एनजी का लॉन्ग अँगसने 17-21, 19-21 असे सरळ गेममध्ये हरवले. दुसरीकडे पुरुष दुहेरीत इंडोनेशियाच्या मार्कस गिडीऑन आणि केविन सुकामुलजो या जोडीने भारताच्या सात्विकसाईराज रणकिरेड्डी आणि चिराग शेट्टीवर 21-15, 21-14 अशी मात केली.
