मुंबई - सुपरस्टार सलमान खानने गुरुवारी सांगितले की, बिग बॉस या रिअॅलिटी शोसोबत एक दशकाहून अधिक काळचा संबंध हा त्याचा "सर्वात दीर्घकाळाचा संबंध" आहे. या शोमध्ये तो दरवर्षी विश्वासाने परत येत राहतो. सलमान सध्या ऑस्ट्रियामध्ये त्याच्या आगामी अॅक्शन चित्रपट टायगर 3 चे शूटिंग करत आहे. 2010 पासून तो बिग बॉस शोशी संबंध ठेवून आहे.
कलर्स वाहिनीसाठी या शोच्या 15 व्या सीझनचे तो होस्टिंग करताना दिसणार आहे. या शोचा प्रीमियर 2 ऑक्टोबर रोजी होणार आहे. शोची त्याच्यावर मजबूत पकड आहे आणि यामुळे त्याच्या आयुष्यात एक निश्चित परमनन्सी येते, असे त्याला वाटते.
बिग बॉसमध्ये आयुष्यात स्थायित्व मिळाले
"बिग बॉससोबत माझे नाते ... हे कदाचित माझे एकमेव नाते आहे जे इतके दिवस टिकले आहे. ते जाऊ द्या. (पण) बिग बॉसने माझ्या आयुष्यात एक निश्चित परमनन्सी आणली आहे. या चार महिन्याच्या काळात आम्ही एकमेकांना डोळ्यात डोळा घालून पाहात नसलो तरी सिझन संपल्यानंतर आम्ही पुन्हा एकत्र येण्यासाठी हतबल असतो.", असे सलमानने आपल्या संदेशात म्हटले आहे.
"स्पर्धकांना या वेळी मिळणाऱ्या सुविधा पूर्वीच्या तुलनेत कमी असतील. त्यांना फक्त एक लहानशी जगण्याची किट मिळेल पण बिग बॉसकडून त्यांना फटकारले जाईल, शिक्षा दिली जाईल, लक्झरी बजेट कमी केले जातील," असे सलमान खान म्हणाला.
बिग बॉसमध्ये खूप काही शिकलो - सलमान
बिग बॉस शोच्या शुटिंगसाठी सलमान पुढील आठवड्यात भारतात परतणार आहे. बिग बॉसमुळे खूप शिकलो असल्याचे त्याने म्हटलंय, "मला शो आवडतो. मला शोमधून बरेच काही शिकायला मिळते. तो संयम तपासत असतो. प्रत्येक वेळी जेव्हा मी माझी शांतता गमावतो, तसे करण्याची माझी इच्छा नसते. मग मी धीर धरण्याचा खूप प्रयत्न करतो. पण शोचा फॉरमॅट असे आहे की काहीतरी घडत राहते आणि नंतर मला जावे लागते आणि दुरुस्त करावे लागेल. त्यामुळे तुम्हाला बरेच काही शिकायचे असेल तर अनेक नवीन लोकांना भेटा, त्यांचे व्यक्तिमत्त्व जाणून घ्या," असे तो पुढे म्हणाला.
बिग बॉसचे नवे स्पर्धक
बिग बॉसच्या नवीन सिझनमध्ये जे स्पर्धक सहभागी होणार आहेत त्यामध्ये अभिनेत्री शमिता शेट्टी आणि नृत्यदिग्दर्शक निशांत भट्ट यांचा समावेश आहे - जे अलीकडेच बिग बॉस ओटीटी, वूटवर थेट डिजिटल शोमध्ये दिसले होते. नवीन प्रवेश करणाऱ्यांमध्ये टीव्ही अभिनेता डोनल बिश्त आणि बिग बॉस 13 चा अंतिम विजेता असीम रियाजचा भाऊ उमर रियाज यांचा समावेश आहे.
हेही वाचा - रश्मी रॉकेट चित्रपटाचा बहुप्रतीक्षित ट्रेलर रिलीज
