मुंबई - देशाची कन्या हरनाज कौर संधू हिने 2021 साली मिस युनिव्हर्सचा किताब जिंकून देशाचे नाव आंतरराष्ट्रीय स्तरावर अभिमानाने उंचावले होते. हरनाजने मिस युनिव्हर्सचा किताब जिंकून २१ वर्षांचा दुष्काळ संपवला. भारताला २००० सालापासून या जेतेपदाची प्रतीक्षा होती. 2000 मध्ये अभिनेत्री लारा दत्तने मिस युनिव्हर्सचा ताज जिंकला होता. आता या आनंदात मिस युनिव्हर्स हरनाज कौर संधूसाठी एका भव्य स्वागत पार्टीचे आयोजन करण्यात आले होते. या पार्टीत बॉलिवूड आणि टीव्ही जगतातील अनेक स्टार्सनी हजेरी लावली होती.
- " class="align-text-top noRightClick twitterSection" data="
">
मुंबईतील इस्टालिया येथे हरनाज संधूसाठी ही वेलकम पार्टी आयोजित करण्यात आली होती. निशा जामवाल यांनी या पार्टीचे आयोजन केले होते. कोरोना महामारीमुळे या पार्टीचे आयोजन लांबणीवर पडले आहे. या पार्टीत प्रत्येक सेलेब्सने हरनाज संधूचे स्वागत केले.
- " class="align-text-top noRightClick twitterSection" data="
">
तिच्या भव्य स्वागत पार्टीत मिस युनिव्हर्स हरनाज संधू काळ्या चमकदार गाऊनमध्ये दाखल झाली. हरनाजने हलक्या मेकअपसह वेव्ही हेअरस्टाइल केली होती. एकंदरीत हरनाजच्या चेहऱ्यावर तिच्या सौंदर्याचा पूर्ण रुबाब दिसत होता.
पार्टीत कोण कोण होते हजर
मिस युनिव्हर्स हरनाज कौरच्या ग्रँड वेलकम पार्टीत संगीत दिग्दर्शक अनु मलिक, अभिनेत्री लोपामुद्रा राऊत, जुन्या जमान्यातील अभिनेता रणजीत, अभिनेता फरदीन खान, झायेद खान आपल्या पत्नीसोबत पोहोचले होते. या व्यतिरिक्त मिस दिवा युनिव्हर्स 2018 नेहल चुडास्मा, मिस्टर वर्ल्ड 2016 रोहित खंडेलवाल, प्रसिद्ध सेलिब्रिटी फोटोग्राफर डब्बू रत्नानी, अभिनेत्री प्रीती झांगियानी आणि विंदू दारा सिंग यांनीही हरनाज संधूच्या या होमकमिंग पार्टीत आपली उपस्थिती दर्शवली.
2021 ची मिस युनिव्हर्स स्पर्धा इस्रायलमध्ये आयोजित करण्यात आली होती.
हेही वाचा - अनुपम खेर यांनी सुरू केले विद्युत जामवालसोबत 'आयबी 71' चे शुटिंग
