मुंबईः सध्या सुरू असलेल्या कोरोना साथीचा परिणाम दक्षिण भारतीय चित्रपटसृष्टीतील लग्नावर झालेला नाही असे दिसते. अभिनेता राणा दग्गुबातीने आपल्या लेडीलव्ह मिहिका बजाजशी विवाहबंधन बांधल्यानंतर आता अभिनेत्री काजल अग्रवालच्या लग्नाविषयी चर्चा रंगली आहे. तिच्या लग्नाच्या अफवा वारंवार पसरत असल्या तरी, आता अलीकडेच गौतम नावाच्या एका अब्जाधीश व्यावसायिकाशी तिचे लग्न ठरल्याचे अहवालात म्हटले आहे.
काजलच्या एंगेजमेंट कार्यक्रमात तिचा फिल्म इंडस्ट्रीतील जवळचा मित्र अभिनेता बेलामकोंडा साई श्रीनिवास उपस्थित होता. लॉकडाऊन पूर्ण झाल्यानंतर काजलचे लग्न होईल.
यापूर्वी, एका टीव्ही कार्यक्रमात काजलने 2020 मध्ये विवाह करणार असल्याचे म्हटले होते. कदाचित याच विवाहाबद्दल ती बोलली असावी. काजल पुढे असेही म्हणाली होती की, तिला एक असा मनुष्य हवा आहे जो काळजी घेणारा आणि अध्यात्मिक असेल.
कामाच्या पातळीवर काजल आगामी शंकर दिग्दर्शित कमल हासनच्या इंडियन 2 चित्रपटाचे शूटिंग पुन्हा सुरू करणार आहे.
