मुंबई - पाकिस्तानातील कराचीमध्ये विमानतळानजिक विमानाचा दुर्दैवी अपघात झाला. यामध्ये ९७ लोकांना आपला जीव गमवावा लागला. त्यानंर सोशल मीडियामध्ये पाकिस्तानी अभिनेत्री आयजा खान आणि तिच्या पतीचे विमान अपघातात निधन अशा अफवा परसल्या. ही अफवा वाऱ्याच्या वेगाने पसरली. त्यानंतर काही वेळातच स्वतः आयजा खान हिने आपण सुखरुप असल्याचे आणि ही बातमी एक अफवा असल्याचे स्पष्ट केले.
आयजाने लिहलंय, ''अशा प्रकारे अफवा पसरवणे बंद करा. मी आणि माझा पती पूर्ण ठिक आहोत. अल्लाह अशा लोकांना अशी बुध्दी देवो ज्यामुळे ते पुन्हा असे लिहिणार नाहीत. अल्लाह आपल्या सर्वांना सुखरुप ठेवेल आणि या अपघातात मृत्यू झालेल्यांच्या कुटुंबीयांना धीर देईल.''
- " class="align-text-top noRightClick twitterSection" data="
">
आयजाचे पती दानिश तैमुरने इन्स्टाग्रामवर एक पोस्ट शेअर केली आहे. यातून त्याने या फेक न्यूजचा खुलासा केलाय.
आयजा खान ही पाकिस्तानची प्रसिध्द अभिनेत्री आहे. तिने अनेक टीव्ही मालिकांमधून काम केले आहे. 'अफजल', 'मेरी जिंदगी है तू', 'सारी भूल हमारी थी', 'थोड़ा सा हक' आणि 'अधूरी औरत' या तिच्या गाजलेल्या मालिका आहेत.
