मुंबई - ॲण्‍ड टीव्‍हीवरील हिंदी मालिका 'भाबीजी घर पर है'मध्ये अनिता भाभीच्या भूमिकेत नेहा पेंडसे ची एन्ट्री मराठीभाषिक प्रेक्षकांना भावली आहे. याआधी ही भूमिका सौम्या टंडन साकारत होती व अनिता भाभीच्या साड्यांची सर्वत्र चर्चा होती. नेहा पेंडसेला याची पूर्वकल्पना होती व तीसुद्धा साड्यांमध्ये मोहक दिसत असून तिच्या लूकवर ‘भाभीजी’ ची टीम भरपूर खुश आहे. त्याचबरोबर तिच्या ‘लूक’ मध्ये आकर्षक बदल करण्यात आले असून ते प्रेक्षकांना आवडतील अशी अपेक्षा नेहा बाळगून आहे.
अनिता भाभी ऊर्फ नेहा पेंडसे म्हणाली, ''अशा लोकप्रिय व सर्वोत्तम मालिकेचा भाग असणे हे सन्‍माननीय आहे. मला खूपच आनंद झाला आहे. माझ्या प्रवेशाव्यतिरिक्त सर्वात आकर्षक भाग अनिता भाभीच्या भूमिकेचा नवीन लूक आहे. माझ्या प्रवेशाव्यतिरिक्त, सर्वात रोमांचक भाग म्हणजे माझ्या आवडत्या डिझायनर नेहा चौधरी यांनी डिझाइन केलेले अनिता भाभीच्या व्यक्तिरेखेचा नूतनीकरण केलेला लूक. टीमने भूमिकेला नवीन उत्‍साहवर्धक लूक दिला आहे. मीदेखील याप्रती माझे थोडेफार योगदान दिले आहे. ‘भाभीजी’ टीमने माझ्या व्‍यक्तिमत्त्वाला साजेशी अशी अनिता भाभीच्या व्‍यक्तिमत्त्वामध्‍ये नाविन्‍यता आणण्‍यात आली. भारतीय-पाश्चिमात्य लूक कायम आहे, पण ग्‍लॅमर आणि मोहकतेचा स्‍तर अधिक उंचावणार आहे.”
नेहा पेंडसे म्हणाली, ‘माझ्या पोशाखामध्‍ये विविध भारतीय-पाश्चिमात्य कपड्यांचा समावेश असणार आहे, ज्‍यामध्‍ये आकर्षक लाँग स्‍कर्टस्, ट्यूनिक्‍स, को-ऑर्डस्, स्वेटशर्टस्, विविध पॅण्‍ट आहेत. मी स्‍वत:हून मेकअप करणार आहे आणि कोमल, आकर्षक शेड्स व उत्तम फिनिशसह नैसर्गिक लुक धारण करणार आहे, तसेच या लुकला साजेशी चमकदार लिपस्टिक देखील नैसर्गिक छटांमध्‍ये असणार आहे. क्रीमी सुत्रीकरणांचा उपयोग करून आकर्षक मेकअप करण्यात येईल. यामध्‍ये भर म्‍हणून आम्‍ही ब्‍लश व हायलाइटरचा उपयोग करणार आहोत. मेकअपला अधिक आकर्षक बनवण्‍यासाठी आणि दिवसभर रिफ्रेशिंग दिसण्‍यासाठी आम्‍ही फेशियल मिस्‍टचा वापर करणार आहोत. हेअरस्‍टाइलमध्‍ये खांद्यापर्यंत कर्ल्‍स केलेली केशभूषा असणार आहे.''
नेहा पुढे म्हणाली “रंगसंगतीच्‍या बाबतीत विशेषत: साड्या आकर्षक लूकसाठी व्हिंटेज लूकसह मोहक आणि ‘ब्राईट’ रंगांत असणार आहेत. ८० व ९० च्या दशकातील पॅटर्न्‍स व डिझाइन्‍स दिसतील. साड्यांना अद्वितीय ड्रॅपिंग स्‍टाइल देण्‍यासोबत सॅटिन व शिफॉन फॅब्रिक्‍सच्‍या साड्या आहेत. मला ८० व ९०च्या दशकामध्‍ये परिधान करण्यात आलेल्‍या आकर्षक रंग व फुलांच्‍या डिझाइन असलेल्‍या साड्या खूप आवडल्‍या आहेत. आभूषणे देखील आकर्षक असणार आहेत, जे आकर्षक लूकला साजेसे असतील.”
अनिता भाभी ऊर्फ नेहा पेंडसेची भूमिका असलेली मालिका 'भाबीजी घर पर है' ॲण्‍ड टीव्‍हीवर प्रसारित होते.
हेही वाचा - वास्‍तविकता काल्‍पनिकतेपेक्षाही विलक्षण असते' हे दर्शविणारी क्राइम मालिका 'मौका-ए-वारदात'!
