मुंबई - 'नेटफ्लिक्स'वरील लोकप्रिय वेबसीरिज 'सेक्रेड गेम्स'चे दुसरे पर्व लवकरच प्रेक्षकांच्या भेटीला येणार आहे. या वेबसीरिजच्या पहिल्या पर्वाने चाहत्यांवर कमालीची छाप पाडली होती. यामध्ये अभिनेता नवाजुद्दीन सिद्दीकीने साकारलेले 'गणेश गायतोंडे' या पात्रानेही चाहत्यांवर राज्य केले आहे. आता पुन्हा एकदा सेक्रेड गेम्सच्या दुसऱ्या पर्वात 'गणेश गायतोंडे'ची नवी झलक पाहायला मिळणार आहे. हिच झलक असलेला दुसरा नवा टीजर नुकताच प्रदर्शित करण्यात आला आहे.
बऱ्याच दिवसापासून 'सेक्रेड गेम्स'च्या दुसऱ्या पर्वासाठी चाहते आतुर झाले आहेत. या सीरिजचा ट्रेलरही काही दिवसांपूर्वीच प्रदर्शित करण्यात आला आहे. आता नव्या टीजरमध्ये नवाजुद्दीनच्या तोंडी असलेले 'भगवान को मानते हो, पर कभी सोचा है की भगवान किसको मानता है', हा संवाद प्रेक्षकांचे लक्ष वेधुन घेत आहे.
- " class="align-text-top noRightClick twitterSection" data="">
'सेक्रेड गेम्स'ची कथा गणेश गायतोंडे, बंटी, 'दिलबाग सिंग', 'सरताज सिंग' यांच्या भोवती गुंफली गेली आहे. पहिल्या पर्वात धक्कादायक वळणावर समारोप घेणारी ही सीरिज आता नवे ट्विस्ट घेऊन पुन्हा प्रेक्षकांच्या भेटीला येणार आहे. बऱ्याच कारणामुळे ही सीरिज गाजली होती. आता 'सेक्रेड गेम्स'चे दुसऱ्या पर्वात कोणते वळण पाहायला मिळते हे पाहणे रंजक ठरेल.
बिग बजेट चित्रपटांसोबत होणार प्रदर्शित
'सेक्रेड गेम्स' ही सीरिज १५ ऑगस्ट रोजी प्रदर्शित होणार आहे. विशेष म्हणजे याचदिवशी बॉलिवूडचे दोन बिग बजेट चित्रपट प्रदर्शित होणार आहेत. अक्षय कुमारचा 'मिशन मंगल' आणि जॉन अब्राहमचा 'बाटला हाऊस' हे दोन्हीही चित्रपट याच दिवशी प्रदर्शित होणार आहे. आता त्यामध्ये 'सेक्रेड गेम्स २' चीही भर पडली आहे.
