मुंबई - सध्या रियालिटी शोज प्रेक्षक-पाठिंबा मिळवत आहेत. 'डान्स दिवाने' चा सध्‍याच्या सीझनमध्ये उत्तम डान्स ॲक्शन होताना दिसतेय. स्‍पर्धकांनी त्‍यांचे पॉवर-पॅक परफॉर्मन्‍स, अविरत प्रतिभांसह सर्वांना मंत्रमुग्‍ध केले आहे. दर आठवड्याला त्‍यांची नृत्‍याप्रती ‘दिवानगी’ पाहिल्‍यानंतर परीक्षक व अतिथी-सेलेब्रिटीदेखील थिरकण्‍यापासून स्‍वत:ला रोखू शकले नाहीयेत. ‘डान्स दिवाने' या शोच्या परीक्षणाचे काम धर्मेश सर, तुषार कालिया आणि माधुरी दीक्षित पाहत आहेत.
या शोमध्ये सेलिब्रिटी गेस्ट्स बोलाविले जातात आणि यावेळेस अभिनेता आणि उत्तम डान्सर जावेद जाफरी याला निमंत्रित करण्यात आले आहे. साधारण तीसेक वर्षांपूर्वी प्रदर्शित झालेला ‘१०० डेज’ या चित्रपटात माधुरी आणि जावेद को-स्टार्स होते आणि हा चित्रपट सर्वांना आवडला होता. चित्रपटसृष्टीतील लोकांच्या भेटीगाठी होतंच असतात परंतु हे ‘१०० डेज’ चे हे दोन कलाकार तब्बल ‘१०० महिन्यानंतर’ भेटले. साहजिकच या भेटीचा आनंद दोघांनाही झाला होता आणि तो आनंद वाढण्याचे कारण म्हणजे ‘डान्स दिवाने’ च्या स्पर्धकांचे नृत्यप्रदर्शन.
javed jafri and madhuri dixit माधुरी आणि जावेद उत्तम डान्सर्स आहेत आणि डान्स शो वर त्यांचा डान्स झाला नसता तरच नवल. यावेळी माधुरी दिक्षित यांनी जावेद जाफरीसोबत नृत्‍य केले आणि त्यांचा परफॉर्मन्‍स अद्भुत होता. बऱ्याच वर्षांपूर्वी दोघांनी एकत्र नृत्‍य केले होते आणि अनेक वर्षांनंतर ९०च्या दशकातील त्यांचा चित्रपट '१०० डेज' मधील लोकप्रिय गाण्‍यावर नृत्‍य करताना दोघेही जुन्‍या आठवणींमध्‍ये रममाण झाले होते. माधुरी दीक्षित आणि जावेद जाफरी यांच्या परफॉर्मन्‍ससोबतच प्रेक्षकांना ‘टॉप ८’ स्पर्धकांना तगडे आव्‍हान देण्‍यासाठी 'डान्स दिवाने' मध्‍ये प्रवेश केलेल्‍या ‘वाइल्‍ड कार्ड एण्‍ट्री‘ स्पर्धकांचे काही अद्भुत क्षण देखील पाहायला मिळणार आहेत. माधुरी दिक्षित व जावेद जाफरीचा उच्‍चस्‍तरीय डान्स परफॉर्मन्‍स पाहायला मिळेल 'डान्स दिवाने' या कार्यक्रमात जो प्रसारित होतो दर शनिवार व रविवार रात्री ९ वाजता कलर्स वाहिनीवर.
हेही वाचा - जून’मधील 'फादर्स डे'ला 'प्लॅनेट मराठी'कडून ‘सांगीतिक’ सलाम!
