१८ मे हा ज्युनियर सोनाली कुलकर्णीचा वाढदिवस. आजच्या दिवशीच तिने तिच्या लग्नाची खबर संपूर्ण जगताला कळविली. खरंतर लग्न म्हणजे दोन कुटुंबांचे विलीनीकरण. भारतीय संस्कृतीप्रमाणे हा सोहळा नेहमीच थाटामाटात साजरा केला जात आलाय. परंतु गेल्या वर्षीपासून कोरोना महामारीमुळे ओढवलेल्या संकटामुळे सर्वांनाच ‘गर्दी’ वर्ज्य झालीय. अति सांसर्गिक असलेल्या या रोगामुळे एकमेकांना भेटणेही मुश्किल झालंय. लग्न समारंभांत होणाऱ्या गर्दीला आळा घालण्यासाठी, जेणेकरून कोरोना पसरू नये, शासनाने लग्नात उपस्थित राहणाऱ्या व्यक्ती संख्येवर निर्बंध आणले. लग्न करायचेच असल्यास फक्त ५० लोकांना, नवरा-नवरी सकट, तिथे उपस्थित राहण्याची परवानगी देण्यात आली आहे. तसं पाहायला गेलं तर लग्न समारंभ हा महिलांसाठी खास असतो आणि नवरी मुलींसाठी तर एकदम स्पेशल. परंतु कोरोना या कर्दनकाळाने अनेक मुलींच्या इच्छा-आकांशावर पाणी फेरले. असो.
अभिनेत्री सोनाली कुलकर्णीचे कुणाल बेनोडेकरसोबत लग्न झाले तर महाराष्ट्राची अप्सरा सोनाली कुलकर्णी आता बनलीय सौ. सोनाली कुणाल बेनोडेकर. कुणाल हा दुबईत व्यवसाय करतो आणि त्याची आणि सोनालीची भेट कॉमन फ्रेंड्सच्या पार्टीत झाली होती. दोघांनाही एकमेकांची कंपनी आवडू लागली आणि पुढे घडत असलेल्या भेटींचं रूपांतर प्रेमात झालं. गेल्या लॉकडाऊन मध्ये ती दुबईत अडकली होती आणि सोनाली आणि कुणाल ने लंडन ला लग्न करण्याचे ठरविले होते. परंतु कोरोना आडवा आला. पण सर्वात महत्वाचे म्हणजे लग्न झालं म्हणून सोनाली खूप खुश आहे हे तिच्या फोटोज वरून जाणवते. सोनाली आता निर्माती पण झाली असून ती ‘हाकामारी’ या चित्रपटाची निर्मिती, अक्षय बर्दापूरकरांच्या प्लॅनेट मराठी सोबत, करीत आहे. लग्नानंतर सोनाली मोजकेच पण ताकदीच्या भूमिका असलेले चित्रपट करणार आहे.
तिच्या लग्नाबद्दल सोनालीने एक लांबलचक पोस्ट टाकली आहे त्यातून तिच्या ‘उरकलेल्या’ लग्नाबद्दल पूर्णतः समजेल.
अभिनेत्री सोनाली कुलकर्णीचे कुणाल बेनोडेकरसोबत लग्न झाले ती लिहिते, “ अब से हम ‘7’ ‘मे’ 👩❤️👨 Kunal 'Keno' BenodekarSo, आम्ही June मध्ये uk ला लग्न करणार होतोUk च्या second wave मुळे तारीख पुढे करावी लागली, मग venue च्या availability अनुसार July मधली तारीख ठरली.लग्नाच्या तयारीसाठी मी March मध्ये shooting संपवून Dubai ला आले,आणि भारतात second wave आली🙈Not just मी पुन्हा एकदा दुबईत अडकले पण लग्न बंधनात ही! April मध्ये UK ने Indians साठी travel ban जाहीर केला. July पर्यंत परिस्थिती बदलणार नाही म्हणून..Quarantine, travel restrictions, family साठी असणारी risk, एकंदरीत होणारा अनावश्यक खर्च, सरकार चे नियम, या सगळ्यांचा विचार करून आम्ही आमचा भला मोठा लग्न समारंभ cancel करायचा निर्णय घेतला.June चं July होतंय, म्हणलं postpone करायच्या एैवजी July चं May मध्ये prepone करून सगळ्यांनाच सुखद धक्का देऊ. आम्ही आता एकत्र एका देशात आहोत, पुढे कधी काय होईल माहीत नाही. जगभरातली परिस्थिती पाहता आता एकमेकांची तब्येत जपून ‘लग्न’ जास्त महत्वाचं आहे ना की ‘समारंभ’. आपल्या देशात इतकी बिकट परिस्थिती असताना आम्ही कुठलंही celebration करूच शकत नाही, तो खर्च वाचवून कोणाला मदत करता यावी या सारखं भाग्य नाही🙏🏻आई-बाबांचा होकार घेऊन लगेच तयारीला लागलो. माझे आई-बाबा भारतात, कुणाल चे लंडन ला, कधी पुन्हा सगळे एकत्र येतील माहीत नाही...आताच शिक्का मोरतब करून टाकू.२ दिवसात सगळं ठरवलं. एका तासात खरेदी आणि १५ mins मध्ये ४ लोकांच्या साक्षीने मंदीरात, ( इथे Covid restrictions मुळे तेवढंच शक्य आहे) वरमाळ, मंगळसूत्र, कुंकू केवळ या ३ गोष्टी करून ( लग्नाच्या मान्यतेसाठी मंदीराकडून प्रमाणपत्र मिळवण्यासाठी आवश्यक असणाऱ्या विधी) Marriage Certificate वर sign केलं. इथे सगळ्या process आणि paperwork मध्ये आम्हाला मदत करणारे Rahul Tulpule Deepali Tulpule यांचे आभार🙏🏻आमचे foster parents Sachin Narhar Joshi Shriya Joshi 🙏🏻 आणि हे सगळं घडवून आणणाऱ्या Madhavi Amdekar Kolumbus International Marriage Bureau for professionals चे ही मनापासून आभार🙏🏻पुढे जेव्हा, जिथे, जसं शक्य होईल, तेव्हा, तिथे, तसं, family & friends बरोबर सगळ्या विधीनिशी आमची dream wedding करूच.तोवर, आणि कायम तुमचा प्रेम आणि आशिर्वाद असूद्या 🙏🏻ईटीव्हीभारत मराठी कडून सोनाली कुलकर्णी आणि कुणाल बेनोडेकर यांना लग्नाच्या हार्दिक शुभेच्छा!
हेही वाचा - टीका करणाऱ्या जिल्हाधिकाऱ्याने केले सोनू सूदच्या कामाचे कौतुक
