मुंबई - बॉलिवूड कलाकारांची झलक टिपण्यासाठी फोटोग्राफरची बरीच गर्दी त्यांच्या अवतीभोवती दिसून येते. मात्र, कलाकारांचे फोटो टिपण्यासाठी धडपड करताना काही जणांना अपघातांनाही सामोरे जावे लागते. अभिनेता वरुण धवनचे फोटो काढण्यासाठी सुद्धा धडपडत असताना एका फोटोग्राफरचा पाय त्याच्या गाडीखाली अडकला होता. सुदैवाने त्याला मोठी जखम झाली नाही.
वरुणला हा प्रकार समजताच तो कारमधून बाहेर येऊन फोटोग्राफर्सवर काहीसा चिडताना दिसला. 'मी प्रत्येकवेळी तुम्हाला माझे फोटो काढू देतो. तरीसुद्धा तुम्ही इतकी धडपड करता. मी तुम्हाला फोटोसाठी कधी नाही म्हटले आहे का?' असे बोलून त्याने त्या फोटोग्राफरला काळजी घेण्यास सांगितले.
- " class="align-text-top noRightClick twitterSection" data="
">
हेही वाचा -अमृता खानविलकरचा चित्तथरारक स्टंट, व्हिडिओ पाहून आई थक्क
हा सर्व प्रकार व्हिडिओमध्ये कैद झाला आहे. हा व्हिडिओ सध्या सोशल मीडियावर व्हायरल झाला आहे.
वरुण आणि त्याची गर्लफ्रेंड नताशा दलाल गुरुवारी रात्री निर्माता शशांक खेतानच्या वाढदिवसाच्या पार्टीत गेले होते. त्यावेळी त्यांचे फोटो काढत असताना हा प्रकार घडला होता.
हेही वाचा -स्मृती इराणीने वाढत्या वजनाला धरले करण जोहरला जबाबदार
वर्कफ्रंटबाबत सांगायचं तर, वरुण अलिकडेच 'स्ट्रीट डान्सर थ्रीडी' या चित्रपटात दिसला. आता तो 'कुली नंबर वन'मध्ये सारा अली खानसोबत मुख्य भूमिकेत दिसणार आहे. काही दिवसांपूर्वीच या चित्रपटाचे शूटिंग पूर्ण झाले आहे. या चित्रपटानंतर वरुण नताशासोबत लग्नबंधनात अडकणार असल्याचेही बोलले जात आहे.
