शाहरुख खान आयपीएल मधील टीम खरेदी करणारा पहिला बॉलिवूड स्टार होता. त्याच्यामुळे इतर अनेक स्टार्स या क्रिकेट महोत्सवाशी जुळले गेले. २०१२ मध्ये एसआरकेची टीम ‘कोलकाता नाइट राइडर्स‘ने अजिंक्यपद पटकावले होते. आयपीएल (इंडियन प्रीमियर लीग) मुळे अनेक देशांमध्ये क्रिकेट लिग्स सुरु झाल्या. आफ्रिकन देशांतील कॅरेबियन प्रीमियर लीग मधील टीम ‘ट्रिनबागो नाइट राइडर्स’चा शाहरुख सह-मालक आहे. कॅरेबियन प्रीमियर लीग ट्वेंटी 20 (CPLT20) मधील ट्रिनबागो नाइट राइडर्सचा आजवरचा सर्वात यशस्वी प्रवास आता 'वी आर टीकेआर' या लघुपटातून दर्शविण्यात येणार आहे.
- " class="align-text-top noRightClick twitterSection" data="">
टीकेआर ही चार सीपीएल ट्रॉफी पटकावणारी पहिली टीम असून नाबाद चॅम्पियनशीप सिझन जिंकण्याचा पहिला बहुमानही या टीमने मिळवला आहे. बॉलीवूड किंग शाहरुख खानची चॅम्पियन टीम ट्रिनबागो नाइट रायडर्सने (टीकेआर) नुकताच एक लघुपट प्रदर्शित केला आहे. ‘वुई आर टीकेआर’ हा लघुपट कॅरेबियन प्रीमियर लीग टी-ट्वेन्टी (सीपीएल टी२०) मधील ट्रिनबागो नाईट रायडर्सचा आजवरचा सर्वात यशस्वी प्रवास प्रेक्षकांसमोर सादर करणार आहे. या लघुपटाच्या माध्यमातून आपल्या प्रवासाची झलक चाहत्यांना देण्याचा टीकेआरचा मानस आहे. या माध्यमातून टीकेआरच्या आतापर्यंतच्या प्रवासातील चढउतार प्रेक्षकांना पहायला मिळणार आहेत.
नाईट रायडर्स समूहाचा सहमालक असलेल्या शाहरुखने यासंदर्भात बोलताना सांगितले की, "वेस्ट इंडिजमध्ये क्रिकेटचा इतका मोठा वारसा आहे की जेव्हा वेंकी मैसूर म्हणाले की आपल्याकडे सीपीएलचा हिस्सा बनण्याची तसेच ट्रिनबागो नाईट रायडर्स मिळवण्याची संधी आहे तेव्हा मी खरोखरच खूप रोमांचित झालो आणि संधी साधली. तसेच येथील लोकांना संगीत अतिशय प्रिय आहे आणि मला संगीताची कल्पना आवडली. ज्याप्रकारे लोक येथे नृत्य करतात आणि खूष होतात ते येथे खेळापेक्षा थोडे अधिक आहे. संपूर्ण समुदाय एकत्र येतो आणि आनंद घेतो."
२६ ऑगस्ट २०२१ पासून सीपीएलला सुरुवात होणार आहे आणि या लघुपटाच्या माध्यमातून कॅरेबियन क्रिकेटप्रेमींच्या एकजुटीबरोबरच या खेळविषयी त्यांची रुची अधिकच वाढणार आहे.
हेही वाचा - दिग्दर्शक मधुर भांडाकरने घेतली नीरज चोप्रा आणि मीराबाई चानूची भेट, बायोपिकच्या चर्चेला उधाण
