मुंबई - बॉलिवूडची 'चकचक गर्ल' सारा अली खान सध्या काश्मीरमध्ये तिच्या सुट्टीमुळे खूप चर्चेत आहे. तिचा भाऊ इब्राहिम अली खान आणि काही मित्रांसह ती येथे फिरायला गेली होती. यापूर्वी साराने बर्फ अच्छादित पर्वतांचे सुंदर फोटो शेअर केले होते. आता साराने सोमवारच्या मोटिव्हेशन सेशनमध्ये असा एक व्हिडिओ शेअर केला आहे, जो काश्मीरचे तापमान वाढवत आहे.
साराने सोमवारी तिच्या इन्स्टास्टोरीवर एक व्हिडिओ शेअर केला आहे, ज्यामध्ये ती गुलाबी रंगाच्या बिकिनीमध्ये पूलमध्ये पोहताना दिसत आहे. हा व्हिडिओ काश्मीरमधील आहे. या व्हिडिओमध्ये साराने उजव्या हाताच्या कोपऱ्यात तापमान देखील दाखवले आहे. मंडे मोटिव्हेशनमध्ये, साराने सांगितले आहे की ती मायनस 2.0 सेल्सिअस तापमानात पूलचा आनंद घेत आहे.
याआधी साराने तिच्या इंस्टाग्रामवर काश्मीरमधील मित्रांसोबत अनेक फोटो शेअर केले होते. यामध्ये त्याचा भाऊ इब्राहिम आणि त्याचे काही मित्रही दिसत होते. यादरम्यान सर्वजण काश्मीरमधील बर्फवृष्टीचा आनंद लुटताना दिसले होते.
हे फोटो तिच्या इंस्टाग्राम अकाऊंटवर शेअर करत साराने कॅप्शनमध्ये लिहिले की, 'घर तिथेच आहे, जिथे भाऊ आहे'. फोटोंमधील भावंडांच्या या केमिस्ट्रीवर त्यांच्या चाहत्यांनी कमेंट्स आणि लाईक्स दिले. साराच्या या पोस्टला लाखो लाईक्स मिळाले आहेत.
युजर्सच्या प्रतिक्रिया
साराच्या या फोटोंवर एका चाहत्याने लिहिले, 'कोणी इतके सुंदर कसे असू शकते'. त्याचवेळी दुसऱ्या एका चाहत्याने लिहिले की, 'तू स्वर्गाची खरी मजा घेत आहेस'.
साराच्या वर्कफ्रंटबद्दल बोलायचे झाले तर, ती अक्षय कुमार आणि साऊथ अभिनेता धनुषसोबत 'अतरंगी रे' चित्रपटात शेवटची दिसली होती. अलीकडेच साराने अभिनेता विकी कौशलसोबत एका चित्रपटाचे शूटिंग पूर्ण केले आहे.
हेही वाचा - अक्षय कुमारने राम सेतू चित्रपटाचे शूटिंग संपवले, टीमसोबत व्हिडिओ केला शेअर
