मुंबई - बॉलिवूडमधील बहुतेक चित्रपटांत लव्हस्टोरी आणि प्रेमाचा त्रिकोण प्रेक्षकांना पाहायला मिळतो. अभिनेत्रीच्या प्रेमात अकंठ बुडालेला नायक आणि तिच्या सुखासाठी काहीही करण्यास तयार असणारा प्रियकर या बॉलिवूडच्या नेहमीच्या कथेला छेद देणारा 'हमे तुमसे प्यार कितना' चित्रपट २८ जुनला प्रेक्षकांच्या भेटीला येणार होता.
मात्र, चित्रपटाच्या प्रदर्शनाला अवघे दोन दिवस बाकी असतानाच आता याच्या रिलीज डेटमध्ये बदल करण्यात आला आहे. हा चित्रपट आता ५ जुलैला प्रेक्षकांच्या भेटीला येणार आहे. चित्रपट व्यापार विश्लेषक तरण आदर्श यांनी ट्विट करत याबद्दलची माहिती दिली आहे. टीव्ही अभिनेता करणवीर बोहरा या चित्रपटात मुख्य भूमिकेत झळकणार आहे. तर अभिनेत्री प्रिया बॅनर्जी मुख्य अभिनेत्रीच्या भूमिकेत दिसणार आहे.
या चित्रपटात करण आणि प्रियाशिवाय समीर कोच्चर आणि महेश बलराज यांच्याही महत्त्वाच्या भूमिका आहेत. ललित मोहन यांनी या चित्रपटाचे दिग्दर्शन केलं आहे. आता या चित्रपटाला प्रेक्षकांचा कसा प्रतिसाद मिळतो, हे पाहणं औत्सुक्याचं ठरणार आहे.
