मुंबई - काही दिवसांपूर्वीच 'हाऊसफुल्ल ४' चित्रपटाची अधिकृत घोषणा करण्यात आली. यासोबतच चित्रपटाच्या स्टारकास्टवरूनही पडदा उठवण्यात आला होता. अशात आता या चित्रपटात आणखी एका कलाकाराची एन्ट्री झाली आहे. अभिनेता नवाजुद्दीन सिद्दीकीची यात वर्णी लागली आहे.
चित्रपट व्यापार विश्लेषक तरण आदर्श यांनी याबद्दलची माहिती दिली आहे. चित्रपटात अक्षय कुमार, क्रिती सेनॉन, क्रिती खारबंदा, पुजा हेगडे, राणा दग्गुबत्ती, बॉबी देओल, रितेश देशमुख, जॉनी लिवर, चंकी पांडे, शरद केळकर आणि सौरभ शुक्लासारखी तगडी स्टारकास्ट झळकणार आहे.
मे महिन्याच्या शेवटी या चित्रपटाच्या चित्रीकरणाला पुन्हा एकदा सुरुवात होणार आहे. साजिद खान आणि फरहाद सामजी या चित्रपटाचे दिग्दर्शन करणार आहे. तर साजिद नादियाडवाला यांची निर्मिती असणार आहे. १८० कोटींचं बजेट असणारा हा चित्रपट २६ ऑक्टोबरला प्रेक्षकांच्या भेटीला येणार आहे.
