मुंबई - अभिनेता सिद्धार्थ मल्होत्रा आणि रश्मिका मंदान्ना यांच्या प्रमुख भूमिका असलेला हेरगिरी थ्रिलर मिशन मजनू आता 10 जून रोजी थिएटरमध्ये रिलीज होणार आहे. मिशन मजनू हा मंदान्नाचा हिंदी चित्रपटसृष्टील पदार्पणाचा चित्रपट आहे. अलीकडेच रश्मिका मंदान्नाने तेलुगु ब्लॉकबस्टर पुष्पा मध्ये भूमिका केली होती.
शंतनू बागची दिग्दर्शित मिशन मजनू या 1970 च्या दशकातील हेरगिरी थ्रिलरमध्ये सिध्दार्थ मल्होत्रा हा RAW एजंटच्या भूमिकेत आहे, जो पाकिस्तानच्या भूमीवर गुप्त ऑपरेशनचे नेतृत्व करतो. हा चित्रपट यापूर्वी 13 मे रोजी थिएटरमध्ये प्रदर्शित होणार होता. चित्रपटाच्या नवीन रिलीज तारखेची बातमी प्रॉडक्शन बॅनर RSVP ने त्यांच्या सोशल मीडिया हँडलवर शेअर केली आहे.
- " class="align-text-top noRightClick twitterSection" data="
">
"लक्ष्य सेट केले आहे! पाकिस्तानच्या मध्यभागी असलेल्या भारताच्या सर्वात धाडसी RAW मिशनचा एक भाग होण्यासाठी सज्ज व्हा. खऱ्या घटनांनी प्रेरित, #MissionMajnu 10 जून 2022 रोजी रिलीज होत आहे," अशी पोस्ट स्टुडिओने चित्रपटाच्या अधिकृत पोस्टरसोबत इन्स्टाग्रामवर लिहिली आहे.
RSVP चे रॉनी स्क्रूवाला आणि गिल्टी बाय असोसिएशन मीडियाच्या अमर बुटाला आणि गरिमा मेहता यांनी या चित्रपटाची निर्मिती केली आहे. या चित्रपटाचे लेखन परवीज शेख, असीम अरोरा आणि सुमित बठेजा यांनी केले आहे आणि शारीब हाश्मी आणि कुमुद मिश्रा यांच्याही भूमिका आहेत.
हेही वाचा - केदार शिंदे दिग्दर्शित ‘बाईपण भारी देवा’ मध्ये सहा लोकप्रिय महिला कलाकार प्रमुख भूमिकेत!
