मुंबई - प्रसिध्द फॅशन डिझायनर-अभिनेत्री मसाबा गुप्ताने शनिवारी इन्स्टाग्रामवर एक जुना फोटो शेअर केला. या फोटोकडे सोशल मीडियावर वापरकर्त्यांचे लक्ष आकर्षित झाले. कारण या फोटोत मसाबाचे वडिल आणि वेस्ट इंडिज क्रिकेटचे माजी कप्तान विव्हियन रिचर्ड्स दिसत आहे.
मसाबाने तिच्या बालपणातील अल्बममधील एक दुर्मिळ फोटो शेअर केला आहे. यात ती आपल्या आई नीना गुप्ताच्या मांडीवर झोपलेली असून बाजूला तिचे वडिल रिचर्ड्स दिसत आहेत. या फोटोच्या कॅप्शनमध्ये तिने लिहिलंय, ''माझे जग, माझे रक्त. (माय वर्ल्ड, माय ब्लड).''
अभिनेत्री नीना गुप्ताच्या पोटी मसाबाने जन्म घेतला. ८० च्या दशकात ती वेस्ट इंडिज क्रिकेटर विव्हियन रिचर्डसोबत रिलेशनशिपमध्ये होती. हे नाते लग्नापर्यंत पोहोचू शकले नाही. नीनाने मसाबाला मात्र नीट संगोपन करुन वाढवले. त्यानंतर नीनाने विवेक मेहरा यांच्याशी विवाह केला.
एकट्या मुलाची काळजी घेणे आणि काम करणे कठीण होते, असे एकटी पालक म्हणून नीना गुप्ताने एकदा सांगितले होते.
"हे खूप कठीण होते. माझ्या कल्पनेपेक्षाही ते खूप कठीण होते. हे चुकीचे आहे कारण मुलाला दोन्ही पालक त्याच्या भोवती वाढताना आवश्यक असतात. त्यांना भरपूर वेळ देण्याची गरज असते आणि मला वाटते की मला जर पैसे कमवावे लागत नसते तर मसाबा याहून अधिक चांगली बनली असती,'' असे नीना म्हणाली होती.
मसाबाने असेही म्हटले होते की फॅशन इंडस्ट्रीत ११ वर्षे घालवल्यानंतरही तिच्या आईवडिलांबद्दल आणि १९८८ मधील घटनांविषयी तिला विचारपूस केली जाते, परंतु तिने त्यातून शांत राहणे पसंत केले आहे.
हेही वाचा - नवाझुद्दीन सिद्दीकी ठरलाय चतुरस्त्र भारतीय सेलिब्रिटी!
