मुंबई - अर्जून कपूर आणि श्रद्धा कपूर यांच्या मुख्य भूमिका असलेला 'हाफ गर्लफ्रेंड' चित्रपट १९ मे २०१७ ला प्रेक्षकांच्या भेटीला आला होता. प्रेक्षकांनी डोक्यावर घेतलेल्या आणि हटके लव्हस्टोरी असलेल्या या चित्रपटाला आता २ वर्ष पूर्ण झाली आहे. श्रद्धाने आपल्या सोशल मीडिया अकाऊंटवरून या चित्रपटातील अर्जूनसोबतचे काही फोटो शेअर करत याबद्दलची माहिती दिली आहे.
'२ ईअर्स ऑफ हाफ गर्लफ्रेंड', असं कॅप्शन तिनं या फोटोला दिलं आहे. तर अर्जूननेही या चित्रपटातील ये मौसम की बारिश हे गाणं शेअर करत हा चित्रपट नेहमीच माझ्या हृदयाच्या जवळ असणार असल्याचे म्हटले आहे. हा चित्रपट चेतन भगत यांच्या हाफ गर्लफ्रेंड या पुस्तकावर आधारित आहे.
या चित्रपटाचं दिग्दर्शन आशिकी २ चे दिग्दर्शक मोहित सुरी यांनी केलं आहे. चित्रपटातील लव्हस्टोरी आणि अर्जून-श्रद्धाची भूमिका प्रेक्षकांच्या विशेष पसंतीस उतरली होती. यातील गाणी तर प्रदर्शनाच्या २ वर्षांनंतर आजही अनेकांची ओठी ऐकायला मिळतात.
